2 Corintios 5:4 - Manitanati Tuparrü

⁴ Auna icu na cürrü usucheca y uirruca ito. Churriancapü ocon aübu na cürrü nocütüpü. Urrianca nauqui atorri oemo manu nuevurrü ocütüpübo mientras osüboriquiaiqui. Sane nurrianca, nauqui taburriatai na cürrü nocütüpü ui na nuevurrü nocütüpü, arrüna urria ümo para siemprerrü.

Manityanati Tupax

⁴ Axɨna subakaiki kiana axɨna kɨpaux oxonene suiñemo ui suisucheki, ta chɨsuixhankapɨ akaɨbu suisɨtɨpɨki axɨna subaibi, ta suixhanka aɨro suisɨtɨpɨ kiatax nauki axɨmanu suisɨtɨpɨ axɨna koiño ñana sɨsio aɨbu axɨmanu iyebo sɨborikixh.

2 Corintios 5:4 הפניות הצלבה

2 Corintios 5:2

Icu na cürrü usucheca. Tarucu nurrianca oerotü au napese au manu nuevurrü nopo.

2 Pedro 1:13

Pero canapae urriantai yasiquia suraboi ausucarü mientras isüboriquiaiqui auna icu na cürrü, sane tapü tacürusu napaquionco.

Romanos 8:23

Sane ito arroñü. Chauqui tütorrioti Espíritu Santo oemo, nauqui atusi pario oemo arrümanu urrimapae nosüboriqui ñana. Pero usacaiqui icu na cürrü. Tarucu nubarrüperaca ümo manu nanese auche ñana yasuriuruti oñü Tuparrü taha esati tacana ñemanauncurrtoe aütorrti, y sane utaesübuca caüma auqui norrococa y concorrü.

1 Corintios 15:51

Suraboira ausucarü arrüna chütusiopü tücañe. Champürrtü namanaiña oñü oconca ñana. Arrtü rabotü manu tacürurrü nipucu cornetarrü uiti ángel, campiabo naca nocütüpü. Arrüna niquiampiaca urriante apuraurrü, au nubasacuacatai. Arrtü puuru manu cornetarrü, süboricoma tato bama coiño. Chanantopü acoma tato. Y arroñü bama osüboriquiaiqui icu na cürrü campiabo nusaca.

2 Corintios 5:3

Itopiqui tiene que atorri oemo nuevurrü ocütüpübo au napese, tapü usaca tacanarrtü ocüsuaca esati Tuparrü.