Mark 9:20 - l'taamitsinikssin Mark manistaitsinikatoohpiayi 1972

²⁰ Ki a̱i'tapi̱piiyiaw ami̱ sahko̱maapiyi anni̱i̱sk Jesus. Ki oma̱ maka̱'pato'siwa opi̱i̱tsioohksi̱noahsi anniisk Jesus iitsi̱kkami̱'nia̱ttsi omi sahko̱maapiyi. Ki a̱nnaok iitsi̱sttohkohpi'wa ki a̱omo'tapao'mohpa'waniwa ki ita̱i̱so̱o̱poyo̱yihkaawa.

Mark 9:20 הפניות הצלבה

Mark 1:26

Ki oma̱ ni̱naawa sta̱mitsipahpoyiwa; sta̱mitaipi'sski̱nao'si. Ki iina̱i'tsakskihtsima̱yi omi̱ ni̱naayi oosto̱mi oma̱ maka̱'pato'siwa.

Mark 9:18

Kana̱yisstsiistotootsiinikii anni̱sk maka̱'pato'siyi, a̱i̱stamitsisttohkawaniwa, osi̱'kakssinii, ki a̱i'tohta̱iso̱o̱poyo̱yihkaw kii a̱i̱tohtaisa̱tsiikinawa kii a̱i̱stamohtsiistapohkana̱yiikskssiwa. Kima̱tsitaopi̱i̱hp anniihka nita̱o'tsipiaahsi. Nitsi̱tanistayaw anni̱i̱ksi kitohpoko̱omiks ma̱hkoohkssaisskomoahsa̱yi otoka̱'pato'siimi, kii ma̱tohkottaimmi̱i̱waiksawa.”

Mark 9:19

Oma̱ Jesus itani̱stsiiwaiks omi̱ksi ota̱i̱ssksinimaatsaiks, “Ksiisto̱waawa i̱i̱kstonnatsiyikowa kino̱hkanistaomai'takihpoaawayi. Akaisamohpoka'passo'pa, kitsi̱i̱misaomaomai'tookihpoaawa. Ki anni̱i̱stsi nitsi̱kohtaisttsisskini kaani̱sttsspoaayi.” Itani̱i̱wa, “Po̱o̱hsapi̱piisa anna̱hk sahko̱maapiwahka.”

Mark 9:21

Jesus a̱i'sopowahtsi'satsiiwa omi̱ ni̱naayi, “Tsa̱ a̱'nistsisamanistssi̱i̱waatsi?” Ki oma̱ iiko̱'siw a̱'niiwa, “Otsi̱tsi'nakstssi'pi, itoma̱tapanistssiiwa.

Mark 9:26

Ki a̱nnima̱yi oma̱ maka̱'pato'siwa itoma̱tapipiisskina̱ttsiiwa omi̱ sahko̱maapiyi, ki ita̱i̱kskaapikssa̱ttsiiwayi. Ki a̱nnima̱yi omi̱ sahko̱maapiyi itssa̱kskohtoyiiwa. Oma̱ sahko̱maapiwa iitsi̱n'sspihtsiiwa, omi̱i̱ksi mata̱piiksi itani̱i̱yiaw, “A'ya̱a! Akai'niwa!”