Mark 1:27 - l'taamitsinikssin Mark manistaitsinikatoohpiayi 1972

²⁷ Omi̱i̱ksi mata̱piiks sto̱nnatohkanaipisatsi'takiyiaw iihtsitsi̱i̱stapohkana̱o̱matapssitsipssattsiiyiawa; a̱waaniiyiawa, “Aikia̱'piiwa? Amohka ka̱ta̱'an'ssksi̱nimaatstohkssi̱naats? Oma̱ Jesus a̱nni niitsskonata'pssiwa a̱ohkottokakohtomoyiiwa maka̱'pato'siiks ki o̱mohpitanistai'tookaiksi!”

Mark 1:27 הפניות הצלבה

Mark 1:26

Ki oma̱ ni̱naawa sta̱mitsipahpoyiwa; sta̱mitaipi'sski̱nao'si. Ki iina̱i'tsakskihtsima̱yi omi̱ ni̱naayi oosto̱mi oma̱ maka̱'pato'siwa.

Mark 1:28

ki omi̱ Jesus ota̱i'tsitsinikatahsaw iksikka̱mohkanoa̱a̱niitohtsima'siwa omi̱ Galilee.

Mark 10:24

Pa̱a̱satsi'tsimmiaw ota̱aniihpi; ki oma̱ Jesus miska̱ttohtsitsista̱ai'poyiwayi: “Saahko̱maapiiwaki, kima̱tssksini'poaawa manistsi̱yikohpi.

Mark 10:32

Oki, ki anna̱ Jesus na̱i̱sissokoyaatsiiwa amo̱ksi ota̱o̱mai'tookiksi ota̱i'tapoohsaawa Jerusalem. Ki amo̱ksi otohpoko̱omiksi i̱kska̱apitsiihtaayawa omi ota̱itapoohpiawa, ki omi̱i̱ksik iihtapa̱ttoyiksik a̱nniksikayi a̱i̱ko'pommiaw oma̱ ma̱hkitstsissi ma̱hkohka'pissi. Ki oma̱ Jesus sota̱mitsiksiikssksi̱piyiihk omi̱ksi na̱tsikopottsiiks ota̱i̱ssksinimaatsaiks; iihtsita̱i̱tsinikoyiiwaiks manista̱akohkoyi'pi:

Mark 16:5

Ki omi̱ ota̱i'to'toohsawayi, ota̱i'tsippissawayi, niita'pipisatsi̱'takiyawa otsitsino̱ahsawa omi̱ a'sita̱piyi ita̱o̱piiyinayi; ksikksina̱mmina̱yi maaa̱yi. Anniayi o̱niita̱'pi̱kkio'to̱o̱koayawayi.

Mark 16:6

Ki o̱mi otsinoa̱wayi a'sita̱piyinayi otsi̱tanikkoaayawayi, “Piniko̱'poka; ni̱tssksiniihpa ki̱tsaakiitaitsikimmaawaawa anna̱hka Jesus ka̱a̱hkitohko̱nisoaayi oosto̱mi anno̱m; kitssksini̱i̱hpoaawa a̱woy'sstaawa, ki oosto̱mi anno̱m iitsto̱o̱hp. Anno̱hka ma̱tattsitaihtsiiwa oosto̱mihk; a̱kattaissksipo̱wa̱owa.

Mark 7:37

Iihtsimatooma ota̱a̱nisttsiihpii omi̱i̱ Jesus, sta̱mita'pohkanaipisatsii'takiyiaw. Itani̱i̱yiaw, “Jesus iksi̱pisata'pssiwa ota̱a̱wanisttsiihpi. Ma̱ttaohkottoohtsimia̱ttsiiwa ka̱ta'ya̱yoohtsimiiks ki i'poya̱ttsiwa ka̱ta'ya̱ohkottsi'poyiiks!”