תהלים 149 - Masoretic Text 1524

¹ הללו יה שׁירו ליהוה שׁיר חדשׁ תהלתו בקהל חסידים׃

² ישׂמח ישׂראל בעשׂיו בני ציון יגילו במלכם׃

³ יהללו שׁמו במחול בתף וכנור יזמרו׃

⁴ כי רוצה יהוה בעמו יפאר ענוים בישׁועה׃

⁵ יעלזו חסידים בכבוד ירננו על משׁכבותם׃

⁶ רוממות אל בגרונם וחרב פיפיות בידם׃

⁷ לעשׂות נקמה בגוים תוכחת בל אמים׃

⁸ לאסר מלכיהם בזקים ונכבדיהם בכבלי ברזל׃

⁹ לעשׂות בהם משׁפט כתוב הדר הוא לכל חסידיו הללו יה׃