Rut 4:11

Ñanderuete Ñe’ẽ Porã 2015

Ha opaite tavaygua oĩva pe táva rokẽme, imburuvichakuéra, ndive he’i: Ore rohendu ha roikuaa peichaha. Ñanderuete tohovasa pe kuñame oike guive nde rógape, ohovasa haguéicha Raquel ha Léape, omopu’ãvo ha’ekuéra rupi Israel retã, ha ndehegui toiko karaiguasuete Efrátape, ha tanererakuã porãite Belénpe.

Referencias Cruzadas

Genesis 23:10

Ko Efron oĩhína umi Het ra’ykuéra apytépe; ha Efron he’i Abrahámpe, ambue Het ra’ykuéra rovake, ha opaite umi oikéva guive pe táva rokẽ rupi:

Genesis 24:60

Ha ohovasa hikuái Rebécape ha he’i ichupe: Ore reindy, toiko ndehegui 1.000 ha hetave 1.000-kuéra sy ramo, ha ne ñemoñarenguéra toguereko ipoguýpe hesekuéra ija’e’ỹvape.

Genesis 29:16

Ha Laban itajýra mokõi: Pe tenondeveguáva héra Léa, ha pe imitãvéva Raquel.

Genesis 29:25

Ha ko’ẽmba rire, Jacóbo ohechakuaa oñeme’ẽ hague ichupe Léa, upévare he’i Labánpe: Mba’éiko rejapo cherehe. Namba’apói piko ra’e ndéve Raquel rehe. Mba’érehe piko chembotavy.

Genesis 29:32

Léa hyeguasu, ha imemby peteĩ mitãkuimba’e, ha isy ombohéra ichupe Ruben, he’ígui péicha: Ñanderuete ohechágui che py’a ñembyasy; ha péicharupi ko’ág̃a che ména, cherayhu manteva’erã.

Genesis 35:23

Ko’ãva Léa memby: Ruben, Jacóbo ra’y ypykue, Simeon, Levi, Juda, Isacar ha Zabulon.

Genesis 35:24

Raquel membykuéra: Jose ha Benjamin.

1 Réyes 21:8

Upéramo ha’e ohai kuatiañe’ẽ Acab rérape, ha ofirma rire, ha’e oguerahauka karai ancianokuéra ha mburuvichakuérape oikóva Nabot távape.

1 Crónicas 2:51

Salma, Belen ru; ha Haref, Betgader ru.

Salmokuéra 132:6

Peikuaa porãke, rohendu Efrátape oĩha pe karameg̃ua mbojoaju reheguáva, péva rojohu Quiriat-jearim ñúme, peteĩ ka’aguy pehẽnguépe.

Mga Kawikaan 14:1

Pe tembireko arandu omopu’ã hóga; ha pe tembireko itavýva katu ipoite rupi oitypa jevy hóga.

Mga Kawikaan 31:23

Iménape ojekuaa porã pe táva okẽ rupi (oñembojovakehápe), oguapývo tetãygua karai ancianokuéra ndive.

Jeremías 32:10

Upérõ ahai ichupe kuatiañe’ẽ, ha amoha’ãnga (afirma) rire techaharekuéra renondépe, aha’ã iplatarã balánzape.

Miquéas 5:2

Belen, Efráta pegua, nde ningo pe táva michĩvéva Juda tavakuéra apytépe, ndehegui katu osẽta Israel retã ruvichaguasurã oikómava ijypy guive.

Matéo 2:6

Ha nde, Belen, Júda retã megua, nde ningo pe imichĩvéva umi táva Judaygua apytépe, ndehegui osẽta peteĩ mburuvichaguasu omboguata porãva’erã che retã Israélpe (Miquéas 5,2).

Deuteronómio 25:7

Ha upe kuimba’e nomendaséi ramo hovajáre, upéicha ramo pe kuña ohova’erã táva rokẽme, karai ancianokuéra oisãmbyhyhápe, ha he’iva’erã: Che rovaja nomopu’ãséi ityke’ýrape g̃uarã herarã Israelguakuéra apytépe, ha’e ndoikoséi he’i háicha pe tembiapoukapy menda tovaja reheguápe.

Deuteronómio 25:9

Upéicharamo oñembojava’erã hese hovaja umi ancianokuéra rovake, ha oipe’ava’erã hovaja sapatu ha ondyvuva’erã hova rehe, ha he’iva’erã: Péicha ojejapova’erã pe kuimba’e omopu’ãse’ỹva rehe ityke’ýra róga.

Rut 1:2

Pe karai réra Elimelec ha hembireko réra Noemi, ita’yrakuéra réra Mahlon ha Quilion, umíva ningo Efrataygua, Belen Juda pegua. Ha og̃uahẽ hikuái Moab retãme, ha opyta upépe.