Rut 4:10

Ñanderuete Ñe’ẽ Porã 2015

Ha arekotaha che rembireko ramo, Mahlon rembirekokue Rut, peteĩ Moabgua, oñembohasakuaa jevy hag̃ua pe omanova’ekue réra, ani hag̃ua pe omanóva réra ojepe’a ityvyrakuéra apytégui ha itáva rendaguégui. Peẽ pehendúva guive, peiko ko árape techahare ramo.

Referencias Cruzadas

Genesis 29:27

Epyta raẽna Léa ndive ko semána ha upéi ame’ẽta avei ndéve ikypy’y, remba’apove ramo chéve ambue 7 áño.

Genesis 38:9

Ha Onan oikuaávo iñemoñare ndaha’eitaha imba’erã, omomba okápe oiko jave ityke’ýra rembirekokue ndive, ani hag̃ua ombohyeguasu ichupe ha ani hag̃ua ombota’ýra ityke’ýrape g̃uarã.

Salmokuéra 109:15

toĩ tapiaite uvei Ñanderuete renondépe, ha héra toñekytĩ yvy ape árigui.

Salmokuéra 34:16

Ñanderuete pochy oĩ umi tekove ñaña ári, oipe’a hag̃ua yvy ape árigui mandu’a heseguáva.

Mga Kawikaan 18:22

Pe ojohúva peteĩ tembireko heko porãva ojohu mba’eporã, ha ohupity Ñanderuete mba’eporãmby.

Mga Kawikaan 19:14

Túva yvyarigua ohejapava’erã ita’yrakuérape: Hóga ha imba’erepyeta; Ñanderuete remime’ẽ katu peteĩ tembireko iñakãguapy porãva.

Isaías 48:19

ha ndera’ykuérava’erãmo’ã yvyku’ícha ha ne ñemoñarenguéra yvyku’i ra’ỹicha, ha noñembogueiva’erãmo’ã ne ñemoñare réra ha umía ndopaiva’erãmo’ã che resa renondépe.

Oséas 12:12

Yma Jacóbo okañyva’ekue, omenda hag̃ua mokõi kuñáre Aram retãme, omba’apo isuégro rymba rerekua ramo.

Oséas 3:2

Upéramo ajogua peteĩ kuña 15 pláta pehẽngue rehe ha 330 lítro cebáda rehe (ojoguáva trígope).

Zacarías 13:2

Ha upe ára upévape, he’i ángel atykuéra Jára: Aipe’áta tetãpýgui umi jára gua’u réra, ha araka’evéma ndaiporimo’ãvéima mandu’a héra rehe ha amosẽmbáta avei iproféta ha umi ipytu ky’áva.

Malaquías 2:14

Ha peẽ katu peje gueteri: Mba’upe piko péva. Pende Ruete ohecha porãgui peẽ pepoi haguére pene rembirekoteévagui, peikova’ekue ndive pende karia’y ára guive, ha peme’ẽ hague pene ñe’ẽ peiko hag̃ua hendive (pemano meve).

Efesoyguakuérape 5:25

Peẽ, menakuéra, pehayhúke pene rembirekópe Hesu Crísto ohayhu háicha ijiglésiape ha Ha’e voi oñeme’ẽ omano hag̃ua ijiglésia rehehápe.

Deuteronómio 25:6

Ha imemby ypykue oguerekova’erã ityke’ýra omanova’ekue réra, ani hag̃ua ogue héra Israel apytégui.

hebreoyguakuerape 13:4

Pemomba’e pene mendare reko, ha peẽ pemendáva ani peñemongy’a ambue ndive. Ñanderuete voi ombojovakéta umi oñemongy’áva ha umi omongy’ávape imendare reko.

Josué 7:9

Umi Canaangua ha opaite tetãyguakuéra oikóva upérupi ohendu ramo ko’ã mba’e oúta oremongora ha ombogue ore réra yvy árigui; ha upéicharamo, mba’épa Nde rejapóta nde réraguasuetépe g̃uarã.

Rut 4:9

Upérõ Booz he’i umi karai anciánope ha mayma tavaygua oñembyatývape: Peẽ ningo ko árape peiko techahare ramo, che ajogua hague Noemi pógui, opaite Elimelec, Quilion ha Mahlon yvykue.