Rut 4:1

Ñanderuete Ñe’ẽ Porã 2015

Ha Booz oho oguapy pe táva rokẽme, oñembyatyhápe tavayguakuéra ha ohasávo Rut menare pehẽngue ag̃uivéva, Booz imandu’a hague Rútpe, he’i ichupe: Nde, eju ko’ápe ha eguapy, ha ha’e ou ha oguapy.

Referencias Cruzadas

Genesis 19:1

Ha umi mokõi yvága rembiguái ka’arupytũme og̃uahẽ Sodómape; ha Lot oguapy javehína Sodóma táva rokẽme. Ha Lot ohechávo ichupekuéra, opu’ã omomaiteívo ichupekuéra oñakãitývo henondepekuéra,

Genesis 23:10

Ko Efron oĩhína umi Het ra’ykuéra apytépe; ha Efron he’i Abrahámpe, ambue Het ra’ykuéra rovake, ha opaite umi oikéva guive pe táva rokẽ rupi:

Genesis 34:20

Hamor ha ita’ýra Siquem oúvo pe táva rokẽme, oñembyatyhápe itavayguakuéra he’i hikuái ichupekuéra:

2 Samuel 15:2

Ha Absalon opu’ã jepi pyhareve, ha oñemoĩ tape yképe oĩháme pe táva rokẽguasu; ha oimeraẽ oiko vaíva ha oúva tetã ruvicha rendápe ñembojovake rekávo, Absalon ohenói ichupe hendápe ha he’i: Mba’e tavayguápa nde. Ha ha’e he’i ichupe pe táva réra ou haguégui.

2 Crónicas 18:9

Ha Israel retã ruvicha ha Josafat, Juda retã ruvicha, oguapy hikuái iguapyha guasukuérape, oñemonde hikuái tetã ruvichakuéra aópe, pe okarusu (pláza) oĩva Samária rokẽ ypýpe, ha mayma profetakuéra oprofetiza joa henondepekuéra.

Job 29:7

Aha ramoguare táva rokẽme aporombojovake hag̃ua, oñembosako’i che guapyha aisãmbyhy hag̃ua.

Job 31:21

Amopu’ã rire che po ityre’ỹvare pe táva rokẽme, oikohápe pe ñembojovake,

Salmokuéra 69:12

Umi cherehe oñe’ẽ vaíva oguapy pe táva rokẽguasúpe (mbojovakehára rendápe) ha umi oka’úva oñembohory cherehe ipuraheikuérape.

Mga Kawikaan 31:23

Iménape ojekuaa porã pe táva okẽ rupi (oñembojovakehápe), oguapývo tetãygua karai ancianokuéra ndive.

Isaías 55:1

Mayma ijy’uhéiva, peju joa yrendápe, ha umi ipirapire’ỹva jepe peju pegueraha trígo pe’u hag̃ua. Pe’u, pejogua pirapire’ỹre, ha reiete oñeme’ẽ avei víno ha kamby.

Jeremías 32:10

Upérõ ahai ichupe kuatiañe’ẽ, ha amoha’ãnga (afirma) rire techaharekuéra renondépe, aha’ã iplatarã balánzape.

Amos 5:15

Pepoi mba’evaígui, ha pehayhu mba’eporã, peiporu justícia añeteguáva, upéicharamo Ñanderuete, Yvága Atykuéra Jára oiporiahuvereko jevý Jose rembyremíme.

Zacarías 2:6

Angái, angái, pya’éke pekañy pe tetã yvateoguágui, he’i pende Ruete, Che voi pomosarambipava’ekue umi ára umívape irundyve yvytu rehe.

Deuteronómio 16:18

Opaite tavakuérape, Ñanderuete ome’ẽtava peteĩteĩ pende tribukuérape, pemoĩva’erã mbojovakehára ha mburuvichakuéra, ha’ekuéra ombojovake ha oisãmbyhy hag̃ua hekoitépe itavayguakuérape.

Deuteronómio 17:5

upéicharamo peguenohẽva’erã upe kuimba’e térã upe kuña upévape, ojapomava’ekue pe mba’evaiete, pende táva rokẽ oka gotýo, ha pejapi ichupe itápe ha’e omano meve.

Deuteronómio 21:19

upéicharamo itúva ha isy, oguerahava’erã ichupe umi karai anciáno ha mbojovakeharakuéra rendápe, oñembyatýva hikuái táva rokẽguasúpe,

Deuteronómio 25:7

Ha upe kuimba’e nomendaséi ramo hovajáre, upéicha ramo pe kuña ohova’erã táva rokẽme, karai ancianokuéra oisãmbyhyhápe, ha he’iva’erã: Che rovaja nomopu’ãséi ityke’ýrape g̃uarã herarã Israelguakuéra apytépe, ha’e ndoikoséi he’i háicha pe tembiapoukapy menda tovaja reheguápe.

Josué 20:4

Ha upe oikéva peteĩ ko’ã távape, oñembojava’erã umi karai anciáno rehe, oĩva pe táva rokẽme, ha omombe’u porãva’erã ichupekuéra ha tog̃uahẽ umi táva pegua apysápe pe ojehuva’ekue ichupe; ha ha’ekuéra omoingeva’erã itávape, ha omohendava’erã ichupe oiko hag̃ua ijapytépe.

Rut 3:12

Añetehápe che ne menare pehẽngue voi, upeichavéramo jepe oĩhína ne menare peheng̃ue ag̃uivéva chehegui.

Rut 3:18

Ha Noemi he’i: Eha’ãrõnte che memby reikuaa peve mba’épa umi mokõi kuimba’e ojapótava, Booz katuete ndopytu’umo’ãi ko árape oikuaa peve ha’e ojapova’erãva.