Rut 3:9

Ñanderuete Ñe’ẽ Porã 2015

Upévare oporandu: Máva piko nde. Ha pe kuña ombohovái: Che ningo Rut, ne rembiguái. Eipysomína nde ahoja ne rembiguái ári, nde ningo che menare pehẽngue voi.

Referencias Cruzadas

Ezequiel 16:8

Ha ag̃uahẽ jevývo nde ypýpe, ha ama’ẽ ramo nderehe, péina rejúma mborayhu rekávo; ha aipyso che ahoja ndeári añu’ã hag̃ua nde rete opívo; ha ame’ẽ che ñe’ẽ ndéve, nde Ruete ramo, ha reikova’ekue che mba’e ramo.

Lúcas 14:11

Opaite oñembotuicháva ijupe oje’apo’iva’erã, ha opaite oñemomirĩva ijupe oñembotuichava’erã.

Rut 2:20

Ha Noemi he’i imembyre rembirekokuépe: Ñanderuete tohovasa ichupe, ndoipe’ái haguére ipy’aporã oikovévagui ha omanova’ekuégui. Upéi Noemi he’i Rútpe. Pe karai ningo ñane pehẽngue ha ha’e avei peteĩ umi ikatúva ojogua ore yvy (lotekue).

Rut 3:10

Ha Booz he’i: Ñanderuete tanderovasa che rajy, ne rembiapo pahague rejapova’ekue Noemi rehehápe iporãve pe tenondeguarégui, nderehói haguérehe umi mitãrusu rekávo, imboriahu térã ipirapire hetávape.

Rut 3:12

Añetehápe che ne menare pehẽngue voi, upeichavéramo jepe oĩhína ne menare peheng̃ue ag̃uivéva chehegui.

Rut 3:8

Ha pyhare pyte rupi Booz opáy sapy’a ha ojerévo oñemondýi ojohúvo peteĩ kuña oñenovahína ipy okápe.

Rut 4:4

Ko’ã mba’e che romomararandu ndéve nde rejogua hag̃ua Elimelec yvykue, ko’ã kuimba’e ha umi karai anciáno renondépe, ha’ekuéra opytáta techahare ramo. Nde rejoguase ramo, ejogua, ha nahániri ramo, emombe’u chéve aikuaa porã hag̃ua; ndaipóri ningo ambue ikatúva ojogua, nde raẽ, ha che nderire. Ha ha’e he’i: Che ajoguáta.

Rut 4:6

Rut menare pehẽngue ag̃uivéva, upémaramo he’i. Che ndaikatumo’ãi, ani hag̃ua peichahágui ahundi che ra’ykuéra yvyrã. Ejoguána nde, che rendaguépe, che ndaikatumo’ãi ajogua.

1 Samuel 25:41

Ha ha’e opu’ã oñakãity yvy rehe, ha he’i: Na’ápe aĩ David rembiguái ramo, ha aĩ ambojepyhéi hag̃uáicha che jára rembiguaikuérape.