Rut 3:7

Ñanderuete Ñe’ẽ Porã 2015

Booz okaru porã rire py’a rorýpe oho oke hag̃ua pe atýra ykére. Uperire Rut oñemboja mbegue katu asy, omboguy Booz ahoja ha oheja ipy okápe.

Referencias Cruzadas

Genesis 43:34

Ha Jose omoĩuka hembi’urã henondepekuéra; ha Benjamin rembi’urã 5 jevy hetave ityke’yrakuéra rembi’úgui. Ha hoy’u hikuái, ha ovy’a joa hendive hikuái.

2 Samuel 13:28

Ha Absalon he’íkuri hembiguaikuérape, ajerure peẽme peme’ẽ heta víno ombohory hag̃ua Amnon py’a, ha che ha’e ramo: Peikutu Amnónpe, upévo pejuka, ha ani pekyhyjétei, che voi ha’égui peẽme. Peñeha’ãmbaitéke, ha pendepy’aguasúke.

1 Réyes 21:7

Ha hembireko Jezabel he’i ichupe: Nde ningo Israel retã ruvicha. Epu’ã, ekaru ha evy’a, che voi ame’ẽta ndéve Nabot, Jizreelgua parralty.

Ester 1:10

Pe ára 7-hápe, pe víno ombopy’a rorýma ramo tetã ruvicha Asuérope, ha’e ohenói umi hembiguaiguasu ojeroviavévare: Mehuman, Bizta, Harbona, Bigta, Abagta, Zetar ha Carcáspe, omba’apóva tetã ruvicha Asuéro renondépe, ha he’i ichupekuéra,

Salmokuéra 104:15

Ha víno ombopy’arory kuimba’e ha kuñakuérape, pe acéite ombovera yvyariguakuéra rova, ha pan rupi remombarete ichupekuéra.

Eclesiástes 10:19

Pe karuguasu oporombovy’a, víno ombohory umi oikovévape; ha pirapire rupi katu ojejapokuaa karuguasu ha ojejoguakuaa víno.

Eclesiástes 2:24

Ndaipóri iporãvéva yvyariguápe g̃uarã pe jekaru ha ñemboy’u, ha vy’apópe oiporu hembiapo repykue, ahecha porã katu ko’ã mba’e ouha avei Ñanderuete pógui.

Eclesiástes 8:15

Upéicharupi che amomba’e pe vy’a. Pe tapicha okaru ha omboy’u porãva ovy’aite, ha ko vy’a kóva tomoirũ ichupe omba’apo ha oikove aja pukukue yvy apére Ñanderuete oipotaha peve.

Eclesiástes 9:7

Tereho ha he’u ne rembi’u vy’apópe, ha embo’u ne víno py’a rorypópe; umi ne rembiapo ombohoryete Ñanderuetépe.

1 Corintoyguakuérape 10:31

Pekaru ramo térã pey’u ramo, térã pejapo ramo ambue mba’e, pejapopa pemomba’eguasu hag̃ua Ñanderuetépe.

Efesoyguakuérape 5:18

Ha anítei peka’u, upéva ningo ogueru teko vai, penerenyhẽ uvei Pytu Porãmbávagui.

Juéces 16:25

Ha ovy’aite jave he’i hikuái: Pegueru Sansónpe, tañanembovy’a. Ha ogueru hikuái Sansónpe cárcelgui, ha oiko ñemboharaiha ramo henondepekuéra; ha omoĩ ichupe umi horcon pa’ũme.

Juéces 19:22

Ha’ekuéra ovy’a jave hína, péina ápe og̃uahẽ umi kuimba’e reko vaíva pe táva pegua ha omongora hikuái pe óga, ombota hikuái pe okẽre; ha oñe’ẽ hikuái pe kuimba’e tujápe, pe óga járape, he’ívo: Eguenohẽ pe kuimba’e oikeva’ekue nde rógape, roiko hag̃ua hendive.

Juéces 19:6

Ha oguapy mokõivéva oñondive okaru ha hoy’u hag̃ua. Ha pe kuña ru he’i pe Leviguápe: Che ajerure ndéve, epyta gueteri ko pyharépe ha evy’a.

Juéces 19:9

Upéi opu’ã oho hag̃uáicha ha’e, ikuña ha hembiguái ndive. Upévo pe kuña ru he’i jevy ichupe: Ka’aruetéma ha iñypytũmbotáma, ajerureve ndéve ehasami jevy ko’ápe ko pyhare; péina iñypytũtama, eke ko’ápe, embovy’a ne ángape; ko’ẽ ramo pepu’ã pyharevete peho hag̃ua pende róga rapére.

Rut 3:6

Upérõ Rut oho kokuépe; ha ojapopa Noemi he’i haguéicha ichupe.

Rut 3:8

Ha pyhare pyte rupi Booz opáy sapy’a ha ojerévo oñemondýi ojohúvo peteĩ kuña oñenovahína ipy okápe.