Rut 3:12

Ñanderuete Ñe’ẽ Porã 2015

Añetehápe che ne menare pehẽngue voi, upeichavéramo jepe oĩhína ne menare peheng̃ue ag̃uivéva chehegui.

Referencias Cruzadas

Matéo 7:12

Opaite mba’e peẽ peipotáva guive ojejapo penderehe, peichagua mba’e pejapova’erã peẽ ambuekuéra rehe avei, kóva ningo Ñanderuete rembiapoukapy ojehai háicha ikuatiañe’ẽme.

1 Tesalonicayguakuérape 4:6

Aníke avave ombotavy iñermánope oñemu ramo (ojapo ramo negócio hendive), cháke, Ñanderuete voi ohaviráta opaite mba’evai apohárape, ro’e haguéichama peẽme.

Rut 2:20

Ha Noemi he’i imembyre rembirekokuépe: Ñanderuete tohovasa ichupe, ndoipe’ái haguére ipy’aporã oikovévagui ha omanova’ekuégui. Upéi Noemi he’i Rútpe. Pe karai ningo ñane pehẽngue ha ha’e avei peteĩ umi ikatúva ojogua ore yvy (lotekue).

Rut 3:11

Upéicha rupi, ani rekyhyje, che rajy, ajapopáta nde rejeruréva chéve, opavave che tavaygua oikuaáma voi, nde peteĩ kuña heko potĩva.

Rut 3:13

Upévare epyta ko’ápe ko pyhare, ág̃a ko’ẽ rire aporandúta pe ambuépe omendasétapa nderehe, ha nahániri ramo katu, Ñanderuete rérape ha’e ndéve, che amendáta nderehe. Epytu’únte ko’ẽ meve.

Rut 4:1

Ha Booz oho oguapy pe táva rokẽme, oñembyatyhápe tavayguakuéra ha ohasávo Rut menare pehẽngue ag̃uivéva, Booz imandu’a hague Rútpe, he’i ichupe: Nde, eju ko’ápe ha eguapy, ha ha’e ou ha oguapy.

Rut 4:4

Ko’ã mba’e che romomararandu ndéve nde rejogua hag̃ua Elimelec yvykue, ko’ã kuimba’e ha umi karai anciáno renondépe, ha’ekuéra opytáta techahare ramo. Nde rejoguase ramo, ejogua, ha nahániri ramo, emombe’u chéve aikuaa porã hag̃ua; ndaipóri ningo ambue ikatúva ojogua, nde raẽ, ha che nderire. Ha ha’e he’i: Che ajoguáta.