Rut 2:4

Ñanderuete Ñe’ẽ Porã 2015

Ha péina Booz ou Beléngui ha he’i imono’õharakuérape: Ñanderuete tapenepytyvõ (tapenderovasa).

Referencias Cruzadas

Genesis 18:19

Che ningo aikuaa voi ha’e he’itaha iñemoñarenguérape oiko hag̃ua che rape rehe, oiko hag̃ua hekoitépe ha pe añetegua rapére, upévare ajapopáta umi mba’e ha’eva’ekue guive Abrahámpe.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

1 Crónicas 2:51

Salma, Belen ru; ha Haref, Betgader ru.

Salmokuéra 118:26

Tojehovasa pe oútava Ñanderuete rérape; Ñanderuete rogaguasu guive ore pohovasa.

Salmokuéra 134:3

Sion guive tanderovasa Ñanderuete, yvagakuéra ha yvy apohare.

Jeremías 31:23

Péicha he’i Yvága Atykuéra Jára, Israel Jára: Juda retã ha itavakuérape, Che aguerukapa jevy rire umi ojeguerahamava’ekue jepokuapyhápe oje’éta gueteri ko ñe’ẽ kóva: Ñanderuete tanderovasa, nde, ñu hekojojáva, nde, cérro heko potĩva rehe.

Números 6:24

Ñanderuete tanderovasa, ha toñangareko nderehe.

Lúcas 1:28

Ha pe ángel og̃uahẽ María rendápe ha he’i: Maiteípa, Ñanderuete ndeporavo, nde ningo hovasapyréva opaite kuña apytégui ha opytataha avei nendive.

2 Tesalonicayguakuérape 3:16

Hesu Crísto, pe py’aguapy Jára, tome’ẽ peẽme ipy’aguapy peiko porã hag̃ua oñondive opaite árape ha opaite hendápe ipy’aguapýpe.

1 Timotéope 6:2

Ha umi tembiguái oguerekóva peteĩ patron ojeroviáva avei Hesu Crísto rehe, tomomba’ete ichupe, iñermánogui, ha toservi porãve ichupe, ha’e ojeroviágui avei Ñanderuete rehe, ha ha’e oikóma Hesu Crísto rayhupára ramo; pe patron toñeha’ãmba avei tohechauka ipy’aporãha hembiguaikuéra ndive. Che aipota nde rehekombo’e ko’ã mba’e ko’ãvare.

2 Timotéope 4:22

Ñandejára Hesu Crísto, toĩ nde pytu porã ndive. Iporiahuvereko toĩ nendive.

Josué 24:15

Ha ivai ramováicha peẽme peiko hag̃ua pende Ruete rembiguái ramo, peiporavóke mávapepa peikose tembiguái ramo: Pende ru jára gua’u ysyry Éufrates mboypýri guarépe, térãpa Amorgua jarakuérape, ijyvýpe peikopeína. Che ha che róga katu roikóta Ñanderuete rembiguái ramo.

Juéces 6:12

Ha Ñanderuete yvága rembiguái ojehechauka, ha he’i ichupe: Ñanderuete oĩ nendive, kuimba’e mbarete ha ipy’aguasúva.

Juéces 6:16

Ñanderuete he’i ichupe: Añetehápe Che aĩta nendive, ha sarambi rejapóta Madiayguakuéragui ku peteĩ kuimba’e ha’eño rehe reñemoĩ ramoguáicha.

Rut 2:3

Upéramo oho ha oñepyrũ omono’õ umi mono’õhára rapykuéri, ha pe kokue Booz mba’e, ha’e ningo Elimelec génteva voi.

Rut 2:5

Ha Booz he’i hembiguáipe oñangarekóva imono’õhárare: Máva mba’épa ko kuñataĩ.

Rut 4:11

Ha opaite tavaygua oĩva pe táva rokẽme, imburuvichakuéra, ndive he’i: Ore rohendu ha roikuaa peichaha. Ñanderuete tohovasa pe kuñame oike guive nde rógape, ohovasa haguéicha Raquel ha Léape, omopu’ãvo ha’ekuéra rupi Israel retã, ha ndehegui toiko karaiguasuete Efrátape, ha tanererakuã porãite Belénpe.

1 Samuel 17:37

David ombojoapy iñe’ẽ: Ñanderuete cheguenohẽva’ekue leõ ha óso pyapẽ guýgui, Ha’e voi cheguenohẽta avei ko Filisteaygua pógui. Ha Saul he’i Davídpe: Tereho ha Ñanderuete toĩ nendive.