Rut 2:20

Ñanderuete Ñe’ẽ Porã 2015

Ha Noemi he’i imembyre rembirekokuépe: Ñanderuete tohovasa ichupe, ndoipe’ái haguére ipy’aporã oikovévagui ha omanova’ekuégui. Upéi Noemi he’i Rútpe. Pe karai ningo ñane pehẽngue ha ha’e avei peteĩ umi ikatúva ojogua ore yvy (lotekue).

Referencias Cruzadas

2 Samuel 2:5

Upéramo David oguerahauka ñe’ẽ umi Jabes, Galaadguápe, he’iukávo ichupekuéra: Ñanderuete tapenderovasa peiporiahuvereko haguére pende jára Saúlpe, peñotỹvo ichupe.

2 Samuel 9:1

Ha David oporandu: Hemby piko peteĩ Saul rogaygua, aiporiahuvereko hag̃ua ichupe Jonatan rayhupápe.

Job 19:25

Che katu aikuaa porã che Salvador (Pytyvõharaite) oikoveha ha ipahápe opu’ãtaha chepytyvõ jevy hag̃ua ko yvy apére,

Mga Kawikaan 17:17

Pe angirũ (amígo) opaite araitépe oporohayhu, ityke’yraichaite oipytyvõse iñirũme pe angekõi vaiha árape.

Levítico 25:25

Ha peteĩ Israelgua ou ramo imboriahu, ha ovende ramo ilóte térã ilóte pehẽngue, upéicharamo igénte hi’ag̃uivéva ichugui ouva’erã ha ikatu ojogua jevy ichupe g̃uarã.

Filipoyguakuérape 4:10

Avy’aite Hesu Cristopype, peẽ penemandu’a jevy haguére cherehe, tapia peẽ voi penemandu’ámiva cherehe, ndaijáinte peẽme chepytyvõ hag̃ua.

Rut 2:21

Ha Rut, pe Moabguáva, he’i: Pe karai he’i voi kuri chéve: Epyta che kuña rembiguaikuéra ndive opa peve che kóga’a ñemono’õ.

Rut 3:12

Añetehápe che ne menare pehẽngue voi, upeichavéramo jepe oĩhína ne menare peheng̃ue ag̃uivéva chehegui.

Rut 4:14

Ha umi táva pegua kuñakuéra he’i Noemíme: Toñemomba’eguasu Ñanderuete, ome’ẽgui ndéve peteĩ oiporútava ne membykuimba’ere réra, ha ko kuimba’e réra toñemoherakuã porã Israel retãme.

Rut 4:4

Ko’ã mba’e che romomararandu ndéve nde rejogua hag̃ua Elimelec yvykue, ko’ã kuimba’e ha umi karai anciáno renondépe, ha’ekuéra opytáta techahare ramo. Nde rejoguase ramo, ejogua, ha nahániri ramo, emombe’u chéve aikuaa porã hag̃ua; ndaipóri ningo ambue ikatúva ojogua, nde raẽ, ha che nderire. Ha ha’e he’i: Che ajoguáta.

Rut 4:6

Rut menare pehẽngue ag̃uivéva, upémaramo he’i. Che ndaikatumo’ãi, ani hag̃ua peichahágui ahundi che ra’ykuéra yvyrã. Ejoguána nde, che rendaguépe, che ndaikatumo’ãi ajogua.