Rut 2:10

Ñanderuete Ñe’ẽ Porã 2015

Upérõ Rut ojeity yvýre ha he’i ichupe: Mba’érehepa nde cheporiahuvereko ha chepytyvõ, che ningo peteĩ tetã ambueyguáva.

Referencias Cruzadas

Genesis 18:2

Ha ojesaupívo oma’ẽ, ha péina ohecha ijypýpe mbohapy kuimba’e; ha ohechávo ichupekuéra, ha’e osẽ hóga hymba pirekueguigua rokẽgui, ha ñaniháme oho omomaitei hag̃ua ichupekuéra, ha oñakãity yvýre henondepekuéra,

2 Samuel 19:28

Che ru rogayguakuéra omanombava’erãmo’ã ne renondépe, che jára ha che retã ruvicha katu omoĩ ne rembiguáipe ne mesápe okaru hag̃ua umi oñehenóiva apytépe. Mba’evete voi ndarekói ko’ã mba’e ári ajerureve hag̃ua tetã ruvichápe.

2 Samuel 7:18

Upérõ tetã ruvicha David oike pe óga jojohuhápe ha oñemoĩ Ñanderuete renondépe, ha he’i: Ore Ruete, che Jaratee, mávapa che, ha mba’épa che rogayguakuéra, nde chereru hag̃ua ápeve.

2 Samuel 9:8

Ha’e oñakãityhápe he’i: Máva piko che, ne rembiguái, rema’ẽ hag̃ua peteĩ cheichagua jagua re’õngue rehe.

Levítico 19:34

Pe tetã ambueygua, oikóva pende apytépe, peguerekova’erã ichupe pendereheguáva ramo, ehayhu ichupe rejehayhu háicha, peẽ voi peikova’ekue avei tetã ambueygua ramo Egípto retãme. Che ningo Jahve, pende Jára.

Matéo 25:35

Cheñembyahýi ramoguare, peẽ chemongaru; chey’uhéi ramoguare, peẽ chemboy’u; ndacherógai ramoguare peẽ chemog̃uahẽ pende rógape.

Lúcas 1:43

Ha ma’erãpa ojehu chéve péva, che Jára sy ningo ou che’andúvo.

Lúcas 1:48

Ha’e oma’ẽ haguére hembiguái oñemomirĩva’ekue rehe ha águi rire Israel nẽmoñarenguéra ovy’aitéta chendive.

Romayguakuérape 12:10

Pejohayhu oñohermánoicha, pejo’apo mba’e ramo, péva he’ise emomba’eve ne hermánope ndejehegui voi.

Rut 2:11

Ha Booz ombohovái ichupe ha he’i: Aikuaapáma rejapova’ekue ne ména sy ndive, ne ména omano rire, nde ningo repoi nde rúgui, nde sýgui ha ne retãgui, renace haguépe, reju hag̃ua peteĩ tetã reikuaa’ỹvape.

Rut 2:13

Ha Rut he’i ichupe: Che roagradece nde chepytyvõ ha chemoangapyhy haguére, ndaha’éirõ jepe peteĩ kuña ne rembiguaikuéra apytepeguáva.

Rut 2:19

Ha’e oporandu ichupe: Moõpa remono’õra’e ko árape umi espíga rembyre, ha moõpa remba’apóra’e. Ñanderuete tohovasa upe ndeporiahuverekova’ekuépe. Ha’e omombe’u imenare sýpe omba’apo hague Booz kokuépe.

Rut 2:2

Ha Rut, pe Moabgua, he’i Noemíme: Cherejamína taha kokue rupi ha cheporiahuverekóva rapykuéri tamono’õ umi espíga rembyre. Ha Noemi he’i ichupe: Tereho che memby.

Rut 2:9

Ema’ẽ porã yvýre, ha tereho ñemono’õhára rapykuéri, che ningo ha’éma ichupekuéra ani hag̃ua nemyangekõi. Ág̃a ndey’uhéi vove, tereho kambuchi oĩháme ha hey’u umi tembiguái mba’évagui.

1 Samuel 25:23

Ha Abigail ohechávo Davídpe, pya’ete oguejy hymba búrrogui, ha ojeity David renondépe.