Rut 1:8

Ñanderuete Ñe’ẽ Porã 2015

Ha Noemi he’i umi imembyre rembirekokuérape: Tapeho, pejevy pende sy rogakuérape, Ñanderuetépe tapenderovasa ha tomyengovia pe mborayhu peẽ peme’ẽva’ekue chéve ha che membykuérape.

Referencias Cruzadas

2 Samuel 2:6

Ñanderuete tapendeporiahuvereko ha taipy’aporã penendive ha che avei ajapóta penderehe mba’eporã ko’ã pene rembiapo porã rupi.

Efesoyguakuérape 5:22

Peẽ kuñakaraikuéra, peikóke pene menakuéra poguýpe, peiko háicha Hesu Crísto poguýpe.

Colosayguakuérape 3:18

Pe tembireko iñe’ẽrenduva’erã iménape, ija háicha Hesu Crísto reheguávape.

Colosayguakuérape 3:24

Peikuaa porã voi Ñanderuete ome’ẽtaha peẽme pe yvága remime’ẽ (tekove opa’ỹva) pene rembiapo porã repykue ramo, upévare pemba’apo tembiguái porãva ramo Ñanderuetépe g̃uarã.

Rut 1:5

Ha omano avei Noemi memby mokõivéva, Mahlon ha Quilion, ha Noemi opyta ha’eño, imemby’ỹre ha imena’ỹre.

Rut 1:7

Ha Noemi osẽ oiko haguégui ha hendive oho imembyre rembirekokuérakue, ha ojevy hikuái Juda retãme.

Rut 1:9

Ñanderuete tome’ẽ peẽme pytu’u pene menarã rógape. Upéi ohetũ ichupekuéra, ha ha’ekuéra ojahe’o soro.

Rut 2:20

Ha Noemi he’i imembyre rembirekokuépe: Ñanderuete tohovasa ichupe, ndoipe’ái haguére ipy’aporã oikovévagui ha omanova’ekuégui. Upéi Noemi he’i Rútpe. Pe karai ningo ñane pehẽngue ha ha’e avei peteĩ umi ikatúva ojogua ore yvy (lotekue).

Rut 3:10

Ha Booz he’i: Ñanderuete tanderovasa che rajy, ne rembiapo pahague rejapova’ekue Noemi rehehápe iporãve pe tenondeguarégui, nderehói haguérehe umi mitãrusu rekávo, imboriahu térã ipirapire hetávape.