Rut 1:20

Ñanderuete Ñe’ẽ Porã 2015

Ha ha’e ombohovái jepi ichupekuéra: Anive chembohéra Noemi (he’ise ojehayhúva), pejénte Mára (he’ise iróva), Ñanderuete chemyenyhẽgui ñembyasy iróvagui.

Referencias Cruzadas

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 43:14

Ha Ñanderuete, pe Ipu’akapáva, tome’ẽ pe karai py’ápe poriahuvereko, ha topoi jevy pende ryke’y Simeóngui ha avei ko Benjamíngui. Ha apytáta ramo ta’yra’ỹre, taupéicha avei.

Job 11:7

Reikuaánepa Ñanderuete ñemimby. Rejohúnepa Ñanderuete arandu.

Job 19:6

Peikuaa Ñanderuete chereity hague, ha Ha’e chejopy hague iñuhãme.

Job 5:17

Eikuaa porãke, ovy’aite pe kuimba’e Ñanderuete oja’o ha ohekombo’évape, upévagui anítei ndepochy Ha’e ndeja’o ha nerekombo’ese ramo.

Job 6:4

Pe Ipu’akapáva hu’ykuéra chekutupa ha iponzoña che pytu ho’u, pe ñemondýi oúva Ñanderuetégui cherupitýma.

Job 9:18

Ndohejái che apytu’u, chemyenyhẽ uvei angekõi vaietégui.

Salmokuéra 73:14

Ára pukukue ahasa asy ha pyharekuépe chehavira hikuái.

Salmokuéra 88:15

Cherasy ha ajepy’apyeterei, che mitãrusu guive akyhyje ndehegui ha aiko ñemondyihápe.

Éxodo 15:23

Ha og̃uahẽvo hikuái Márape ndaikatúi hoy’u Mára pegua y, irógui; ha upévagui ombohéra hikuái pe yvy Mára (iro).

Éxodo 6:3

ajehechaukava’ekue Abraham, Isaac ha Jacóbope, Ijára Ipu’akapáva ramo. Ha che réra Jahve rupi, ndajekuaaukaiva’ekue gueteri ichupekuéra.

Isaías 38:13

Mba’asýpe che ko’ẽ. Ha’e omongu’i che kanguekuéra ku leõicha ha péva chembohasa asy ára ha pyharépe.

hebreoyguakuerape 12:11

Añetehápe opaichagua jehavira jahasa asy aja, nañanembovy’amo’ãi, hasy uvei; upéi katu hi’a justícia ha py’aguapy, umi ojepokuaávape g̃uarã.

Apocalípsis 1:8

Che ningo pe “a” ha pe “zéta” he’iséva iñepyrũmby ha ipaha, he’i Ñanderuete pe yvága Jára, pe Oikovahína, pe Oikova’ekue ha pe Ouva’erãva, pe Ipu’akapáva.

Apocalípsis 21:22

Ha pe tavaguasu ryepýpe ndahechái Ñanderuete rogaguasu, Ñanderuete, pe Ipu’akapáva voi ha pe Ovechara’y oikógui ipype, ha opyta pe táva Ñanderuete rogaguasu ramo.