Rut 1:17

Ñanderuete Ñe’ẽ Porã 2015

Nde remanoháme amanova’erã che, ha upépe cheñotỹva’erã avei, Ñanderuetépe tachemaldeci che apoíta ramo ndehegui, pe mano añoite ningo ñandepe’ava’erã ojuehegui.

Referencias Cruzadas

2 Samuel 15:21

Ha Itai oñe’ẽ jevy tetã ruvichápe he’ívo ichupe: Ñanderuete rekovére, ha che jára rekovére, che ndapoimo’ãi che retã ruvichágui amanóta ramojepe, mamo che jára, che retã ruvicha oĩháme, pépe oĩva’erã avei ne rembiguái.

2 Samuel 19:13

Pejéta avei Amasápe: Nde piko ndaha’éi avei che kangue ha che ro’o. Ndoikói ramo ndehegui soldádo ruvicha che renondépe, opaite ára peve, Joab rendaguépe, Ñanderuete tachenupã nupã.

2 Samuel 3:35

Upéramo mayma tetãyguakuéra ou David rendápe ha he’i ichupe okaru hag̃ua, ohasa mboyve pe ára. David katu ome’ẽ iñe’ẽ he’ívo ichupekuéra: Ñanderuete tachehavira ha tombojo’ave avei, che ha’u ramo pan térã oimeraẽ mba’e oike mboyve pe kuarahy.

2 Samuel 3:9

Ñanderuete tachehavira, che Abner, naipytyvõi ramo ko ára guive Davídpe ha ajapopáta David rehehápe opaite mba’e Ñanderuete voi oprometeva’ekue guive he’ívo:

1 Réyes 13:31

Ha oñotỹmba rire, oñe’ẽ ita’yrakuérape he’ívo: Che amanoha árape, peẽ cheñotỹta pe tyvy añotỹ haguépe Ñanderuete profétape, pemoñeno che kangue ikanguekue ykére.

1 Réyes 19:2

Upémaramo Jezabel omondo Elías rendápe peteĩ hembiguái ha he’iuka ichupe: Che jarakuéra tachehavira ha tachenupãve, ko’ẽramo che, ko hóra kóvape, ndajapóirõ nderehe nde rejapo haguéicha Baal profetakuéra rehe.

1 Réyes 2:23

Ha tetã ruvicha Salomón ome’ẽ iñe’ẽ Ñanderuete rérape, ha he’i: Ñanderuete tachehavira che ndajukaukái ramo ichupe.

1 Réyes 20:10

Ha Ben-adad he’iuka jevy ichupe: Che tupãnguéra tachehavira ha tachenupãve gueteri che nambotaperéi ramo ko táva kóvape. Ha che soldadokuéra hetaitereígui ndohupitymo’ãi peteĩteĩme ogueraha hag̃ua ko táva yvytimbo jepe ipópe.

2 Réyes 6:31

Ha ha’e he’i: Ñanderuete tachenupã ha tachehavirave Eliséo, Safat ra’y akã opyta ramo hete rehe ko ára kóvape.

Salmokuéra 45:10

Ehendúkena che rajy, ema’ẽ ha emboyke nde apysa, eñembyesarái ne retã ha nde ru rógagui,

Apostolkuéra 11:23

Kóva ohechávo Ñanderuete ohovasa porãha pe iglésia rembiapo, horyete ha ojerure asy hermanokuérape ojeroviave hag̃ua ipy’aite guive ohóvo Hesu Crísto rehe.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Rut 1:16

Rut ombohovái ichupe: Anivéna rejerure chéve roheja ha ajei hag̃ua nde ykéregui, che ahava’erã nde rehohápe, ha aikova’erã nde reikohápe. Ne retã che retãrã ha nde Jára che Jararã avei.

Rut 4:15

Rut membykuimba’e tomyangapyhy ne ánga, ha neg̃uaig̃ui ramojepe toñangareko nderehe. Rut, nderayhu añetehápe, ha pe kuña péva ndéve g̃uarã iporãve 7 ne memby karia’ýgui.

1 Samuel 14:44

Ha Saul he’i: Ñanderuete tachehavira pohýi, che ndorojukái ramo, Jonatan, añetehápe nde remanova’erã.

1 Samuel 20:13

Ha oime ramo che ru ojapose ivaíva nderehe, Ñanderuete tachehavira, ha tombojo’apyve mba’evai che ári namombe’úi ramo ndéve, ha noroipytyvõi ramo reho hag̃ua angapytu’upópe. Ñanderuete toĩ nendive, oĩ haguéicha che ru ndive.

1 Samuel 25:22

Ñanderuete tachehavira ha avei tombojoapyve gueteri chéve ijehavira nahundipáirõ ko’ẽ meve opaite kuimba’e oikovéva guive Nabal ndive.

1 Samuel 3:17

Ha Eli he’i: Mba’eichagua ñe’ẽpa oje’éra’e ndéve. Ajerure ndéve anítei reñomi chehegui mba’eve; Ñanderuetépe tandehavira ha tombojoapyve reñomi ramo chehegui peteĩ mba’emínte jepe oje’eva’ekue guive ndéve.