Rut 1:16

Ñanderuete Ñe’ẽ Porã 2015

Rut ombohovái ichupe: Anivéna rejerure chéve roheja ha ajei hag̃ua nde ykéregui, che ahava’erã nde rehohápe, ha aikova’erã nde reikohápe. Ne retã che retãrã ha nde Jára che Jararã avei.

Referencias Cruzadas

2 Samuel 15:21

Ha Itai oñe’ẽ jevy tetã ruvichápe he’ívo ichupe: Ñanderuete rekovére, ha che jára rekovére, che ndapoimo’ãi che retã ruvichágui amanóta ramojepe, mamo che jára, che retã ruvicha oĩháme, pépe oĩva’erã avei ne rembiguái.

Salmokuéra 45:10

Ehendúkena che rajy, ema’ẽ ha emboyke nde apysa, eñembyesarái ne retã ha nde ru rógagui,

Mga Kawikaan 17:17

Pe angirũ (amígo) opaite araitépe oporohayhu, ityke’yraichaite oipytyvõse iñirũme pe angekõi vaiha árape.

Isaías 14:1

Ñanderuete oiporiahuverekóta Jacóbope ha oiporavo jevýta Israélpe imba’e ramo, ha omombytu’úta ichupe ijyvyteépe; ha umi tetã ambueygua oñembojáta hesekuéra, ha oikóta hikuái Jacóbo ñemoñarenguéra apytépe.

Daniel 2:47

Pe tetã ruvicha oñe’ẽ ha he’i Daniélpe: Añetehápe, pende Jára, Yvagakuéra Jára voi ha tetã ruvichakuéra Jára, Ha’e ohechaukágui ndéve mba’e ñemiha megua nde remyesakã jevy hag̃ua chéve.

Daniel 3:29

Upévare amoĩ tembiapoukapy pyahu opaite tetãnguérape g̃uarã, ha opaichagua tetã oñe’ẽva ambue ñe’ẽme: Upe oñe’ẽ vaíva Sadrac, Mesac ha Abednégo Jára rehe, toñepehe’ãmba, ha hóga toñembotapere; ndaipórigui ambue jára ikatúva oporosalva Ijáraicha.

Daniel 4:37

Ko’ág̃a che, Nabucodonosor, amomba’eguasu, ambotuicha ha amboete Yvagakuéra Ruvichaguasúpe, mayma hembiapo añete, opaite hapekuéra heko pegua ha Ha’e omomirĩkuaa umi oñembotuichávape.

Oséas 13:4

Che ningo nde Jára, Egípto retã guive, nde ndereikuaái ambue járape che ykére, ndaipóri ningo ambue salvador che ykére.

Zacarías 8:23

Péicha he’i ángel atykuéra Jára: Umi ára umívape ojehuva’erã 10 kuimba’e tetã ambueyguágui he’iva’erã peteĩ Judayguápe ipojáivo ijao apýra rehe: Ore rohose nendive, rohendúgui Ñanderuete oĩha penendive.

Matéo 8:19

Ha hendápe oñemboja peteĩ kuatia haihára ha he’i ichupe: Mbo’ehára, che romoirũta mamo rehohápe.

Juan 13:37

Simon Pédro katu he’i Hesúpe: Che Jára, mba’érehepa ko’ág̃a ndaikatúi che romoirũ, nderehehápe ame’ẽta che rekove jepe.

Apostolkuéra 21:13

Upérõ Páblo he’i: Mba’e piko pejapo, pene rasẽ rupi peẽ chembopy’a kangy. Che ningo aĩmba (lísto) ndaha’éi añeñapytĩ hag̃uáichante, amano hag̃uáicha avei Jerusalénpe, Hesu Crísto rehehápe.

1 Tesalonicayguakuérape 1:9

Ha’ekuéra voi ningo omombe’úta mba’éichapa peẽ oremog̃uahẽ porãva’ekue pende apytépe ha mba’éichapa peẽ pepoi pende jára gua’úgui, pejerovia hag̃ua Ñanderuete oikovéva ha añeteguáva rehe,

Josué 24:18

Ha Ñanderuete omosẽ ñane renonderãgui mayma tetãyguakuérape ha Amorguakuérape oikova’ekue ko yvýpe; upévare ore avei roikóta Ñanderuete rembiguái ramo, Ha’égui ore Jaraite.

Apocalípsis 14:4

Ko’ãva noñemongy’aiva’ekue ambue jára (gua’u) (kuña reko vai) ndive ha araka’eve ndopoíri ijeroviágui, ojerovia porã uvei Ñanderuete rehe. Ko’ãva oho pe Ovechara’y rapykuéri Ha’e ohohápe, ko’ãva ningo ojejogua tenondeva’ekue tetãyguakuéra apytégui Ñanderuete ha Ovechara’ýpe g̃uarã.

Rut 1:15

Upérõ Noemi he’i ichupe: Péina nde rovaja ojevýma hetãme ha ijarakuérape, ejevýna nde avei hapykuéri.

Rut 1:17

Nde remanoháme amanova’erã che, ha upépe cheñotỹva’erã avei, Ñanderuetépe tachemaldeci che apoíta ramo ndehegui, pe mano añoite ningo ñandepe’ava’erã ojuehegui.

Rut 2:6

Ha pe tembiguái oñangarekóva imono’õhárare he’i: Péva ningo peteĩ kuña Moab pegua, ouva’ekue Noemi ndive Moab retãgui.

Rut 4:15

Rut membykuimba’e tomyangapyhy ne ánga, ha neg̃uaig̃ui ramojepe toñangareko nderehe. Rut, nderayhu añetehápe, ha pe kuña péva ndéve g̃uarã iporãve 7 ne memby karia’ýgui.