Números 9:16

Ñanderuete Ñe’ẽ Porã 2015

Péicha ojehu opaite árape: Pe arai omo’ã arakuépe pe óga jojohuhápe ha pyharekuépe peteĩ tata hendývape.

Referencias Cruzadas

Nehemías 9:12

Arai reheve reisãmbyhy ichupekuéra arakuépe ha arai tata reheguávare pyharekuépe, ohesape hag̃ua ichupekuéra hape henonderãme.

Nehemías 9:19

upeichavéramo jepe, Nde reiporiahuverekoite ichupekuéra ha reperdona ichupekuéra pe desiértope. Nde arai ndojeíri ijypyguikuéra arakuépe, oisãmbyhy hag̃ua ichupekuéra haperã rehe, ha pyharekuépe pe arai tata reheguáva ohesape, ohecha hag̃ua haperã.

Salmokuéra 105:39

Ñanderuete ojaho’i ichupekuéra arai reheve, ha tata ohesapéva pe pyhare pukukue rupi.

Salmokuéra 78:14

Ára pukukuépe Ha’e omboguata ichupekuéra araípe kuarahy’ãme, ha pyharekuépe tata rendýpe.

Éxodo 40:34

Upéramo peteĩ arai oñembo’ýva omo’ã pe óga jojohuhápe, ha Ñanderuete reko jajaipa omyenyhẽ pe óga jojohuha.

Éxodo 40:38

Ñanderuete arai ñembo’y oĩ arakuépe pe óga jojohuha ári, ha pe tatarendy oĩ pyharekue hi’ári, Israelguakuéra resa renondépe (og̃uahẽ meve Canaan retãme).

1 Corintoyguakuérape 10:1

Che hermanokuéra, ndaipotái ningo pepyta peikuaa’ỹre ñande rukuéra oĩmba hague pe arai guýpe ha ohasapa hague pe yguasu rupi,

2 Corintoyguakuérape 5:19

Ñanderuete oĩgui Hesu Cristopype, ombopy’apeteĩ jevy hag̃ua tetãyguakuérape hendive, upévare Ha’e operdona ñane rembiapo vai ha omoĩ ñande pópe ko perdon rehegua ñe’ẽ.

Deuteronómio 1:33

Ha’e ohóma ñane renonderãme ohechauka hag̃ua ñandéve pe tape tatarendy térã arai rupi, ha Ha’e he’i avei ñandéve moõpa japytáta pyharekuépe.

Apocalípsis 21:3

Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo.