Números 8:8

Ñanderuete Ñe’ẽ Porã 2015

Upéi ogueruva’erã hikuái peteĩ tóro ra’yrusu ha trígo ku’i porã oñembojehe’apyréva acéite reheve, ha peikuave’ẽmbava’erã ambue tóro ra’yrusu reheve kuave’ẽmby angaipa reheguáva ramo.

Referencias Cruzadas

Éxodo 29:1

Ko’ã mba’e rejapova’erã emboheko potĩ hag̃ua ichupekuéra oikokuaa hag̃ua che pa’ikuéra ramo: Eiporavo peteĩ tóro ra’yrusu ha mokõi ovecha ra’yrusu iporãitéva;

Éxodo 29:3

ha emoĩmba peteĩ ajaka’ípe, ha eikuave’ẽmba ajaka’i reheve, ha avei pe tóro ra’yrusu ha mokõive ovecha ra’yrusu reheve.

Isaías 53:10

Upeichavéramo jepe, Ñanderuete oipy’apy ichupe, oñapytĩ ichupe jehasa asy poguýpe. Ha ikuave’ẽmby heko potĩ rupi Ha’e omoingove yvyariguakuérape, Ha’e ohecháta iñemoñare oikove pukútaha, ha Ñanderuete rembipota ojejapopáta hekoitépe Ha’érupi.

Levítico 1:3

Peikuave’ẽse ramo kuave’ẽmby ojehapypáva peiporavova’erã peteĩ tóro iporãitéva, ijeheguieténte toikuave’ẽ pe óga jojohuha rokẽme, pende Ruete renondépe pehupity hag̃ua perdon.

Levítico 16:3

Aaron oikéta pe kotyguasu pévape oikuave’ẽ rire peteĩ tóro ra’yrusu kuave’ẽmby angaipa reheguáva ramo, ha peteĩ ovecha mácho kuave’ẽmby ojehapypa reheguáva ramo,

Levítico 2:1

Oimeraẽ oikuave’ẽséva kuave’ẽmby tembi’u reheguáva pende Ruetépe g̃uarã toiporavo trígo ku’i iporãitéva, hi’ári oñohẽva’erã acéite, ha omoĩva’erã hi’ári mba’e ryakuã porã.

Levítico 4:14

Ha Israel ohechakuaa rire oñemoangaipa hague oikuave’ẽva’erã peteĩ tóro ra’yrusu kuave’ẽmby angaipa reheguáva ramo ha ogueruva’erã pe óga jojohuha renondépe.

Levítico 4:3

Peteĩ pa’i, oñemona rire pa’i ramo, oñemoangaipa ramo oipota’ỹre, oikuave’ẽva’erã pende Ruetépe peteĩ tóro ra’yrusu iporãva hi’angaipáre, ani hag̃ua oity avei hembiapo vai hetãyguakuéra ári.

Levítico 8:2

Eraha Aaron ha ita’yrakuérape g̃uarã: Ijaokuéra, pe acéite omona hag̃ua, pe tóro ra’yrusu angaipáre g̃uarã, mokõi ovecha mácho ha pe ajaka’i oĩháme pe pan ojejapova’ekue levadura’ỹre.

Romayguakuérape 8:3

Ha umi mba’e Moises rembiapoukapykuéra ikatu’ỹva ojapo, ñande kuimba’e ha kuña reko ikangýgui, péva Ñanderuete ojapova’ekue ita’ýra Hesu Crísto rupi, omboúvo ichupe kuimba’e reterõguáicha ko yvy apére, ha péicha Ñanderuete ikatu ocondena pe angaipa Hesu Crísto rete rupi, ndo’áigui Ha’e angaipápe.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.