Números 8:7

Ñanderuete Ñe’ẽ Porã 2015

Péicha remopotĩta ichupekuéra: Ehypýi hi’arikuéra y pe kuave’ẽmby angaipa reheguágui, ha eikytĩmba hete rague kyse hãimbévape, ha ojoheiva’erã hikuái ijaokuéra, pévare ipotĩta hikuái.

Referencias Cruzadas

Genesis 35:2

Upéramo Jacóbo he’i hogayguakuérape ha mayma hendive oĩvape: Peipe’apa umi jára gua’u oĩva guive pende apytépe, peñemopotĩ ha pemonde ao potĩ.

Salmokuéra 51:2

Chejohéi che ñaña rekógui, ha chemopotĩ che rembiapo vaígui.

Salmokuéra 51:7

Chejohéi pacholípe (plánta), chepotĩ hag̃ua, upéi chemorotĩvéta ama rayvi rypy’águi (térã mandyjúgui).

Éxodo 19:10

Ha Ñanderuete he’i Moiséspe: Tereho Israelguakuéra rendápe ha emboheko potĩ ichupekuéra ko árape ha avei ko’ẽrõ; ha tojohéi hikuái avei ijao,

Isaías 52:15

Upévare Ha’e omopy’andýita heta tetãme; henondépe umi tetã ruvicha omboty joáta ijuru, ohechátagui upe araka’eve noñemombe’úiva ichupekuéra, ha oikuaa porãta upe ne’ĩrava gueteri ohendu hikuái.

Jeremías 4:14

Nde py’apýgui ejohéi ne mba’e ky’a, nde Jerusalen, resẽ jevy hag̃ua nde jehasa asýgui. Araka’e pevépa rejepy’amongetáta ivaíva rehe.

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Levítico 15:27

Oimeraẽ opokóva umi mba’e rehe, opyta iky’áva ramo, ha ojoheiva’erã ijao, ha ojahuva’erã, ha upeichavérõ jepe iky’áta kuarahy oike peve.

Levítico 15:6

Ha peteĩ oguapy ramo pe imba’e tykýva oguapy haguépe ojoheiva’erã ijao ha ha’e ojahuva’erã avei, ha opyta iky’áva ramo kuarahy oike peve.

Levítico 16:28

Ha ohapy rire ha’e ojoheiva’erã ijaokuéra, ojahuva’erã avei ha upéi ikatu oike jevy pe tekohápe.

Levítico 8:6

Upéramo Moises ombojauka Aaron ha itayrakuérape, ha ýpe ojohéi ichupekuéra.

Números 19:13

Umi ojáva tapicha re’õngue rehe, ha noñemopotĩri ramo ko y kóvape, ha’e oñemongy’a ha omongy’a avei pende Ruete róga jojohuha ha pe tapicha péva ojejukava’erã Israel apytégui; ndojehypýi haguére hi’ári pe y oporomopotĩva.

Números 31:20

Upéicha avei pemopotĩmbava’erã opaite aokuéra, opaite mba’e tymba pirekueguiguáva, ha opaite mba’e ojejapóva kavara raguégui ha opaichagua tembiporu yvyraguiguáva.

Números 8:21

Upéi Leviguakuéra oñemopotĩ ha ojoheiva’erã ijaokuéra; ha Aaron omboykeva’erã ichupekuéra Ñanderuete renondépe ime’ẽmby ramo, ha Aaron oikuave’ẽ kuave’ẽmby angaipa reheguáva Ñanderuete renondépe omoingo porã ha omopotĩ hag̃ua ichupekuéra.

hebreoyguakuerape 9:10

Ko’ã tembiapoukapy ñahenduramóva tembi’u rehe, umi mba’e oñemboy’úva ha ñande rete jejohéi rehe ojejapoukava’ekue og̃uahẽ meve pe ára oñembopyahupa hag̃ua; ko’ã tembiapoukapy to’o (tete) reheguávante.

hebreoyguakuerape 9:13

Umi kavara ha tóro ruguykue ha pe vaka pyahu tanimbukue ojehypyiva’ekue umi oñemongy’áva rehe, ojeporúnte omopotĩ hag̃ua kuimba’e ha kuña rete, (Números 19).

Tiágo 4:8

Peñemboja Ñanderuete rehe, ha Ha’e oñembojáta penderehe. Pemopotĩ pende pokuéra, peẽ angaipavóra, ha pemopotĩ porã pende py’apy, peẽ pendepy’a mokõiva.

1 Pédro 3:21

Upe y upéva ko’ág̃a ku ta’ãngáicha ñandesalva bautísmo rupi. Pe bautísmo voi ndaikatúi ñanemopotĩ ñande rete rembiapo vaígui, upévare jajerureva’erã Ñanderuetépe tome’ẽ ñandéve pe py’apyñe’ẽ porãva Hesu Crísto ñemano rupi.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.