Números 8:6

Ñanderuete Ñe’ẽ Porã 2015

Emboyke Leviguakuérape Israel ñemoñarenguéra apytégui, ha emopotĩ ichupekuéra.

Referencias Cruzadas

2 Crónicas 29:11

Che ra’ykuéra ani peñembotavýtei ko’ág̃a, Ñanderuete ningo pendeporavo peime hag̃ua henondépe ha pemomba’eguasu hag̃ua ichupe, ha peiko hag̃ua hembiguái ramo, ha pehapy hag̃ua ichupe mba’e ryakuã porã.

Éxodo 19:15

Ha he’i hetãyguakuérape: Peñembosako’i porãke pe ára mbohapyhápe g̃uarã; ani peikótei pene rembireko ndive.

Isaías 52:11

Pemboyke mboyke umi mba’e iky’áva, ani pepokótei umía rehe, pepoiete katu umívagui ha peẽ peguerojáva Ñanderuete rembiporukuéra peñemopotĩke mba’evaígui.

Levítico 14:11

Ha pe pa’i oporomopotĩtava ogueruva’erã pe hasyva’ekuépe pende Ruete renondépe, pe óga jojohuha rokẽme;

Malaquías 3:3

Ha’e oguapýta omopotĩ ha omoporã hag̃ua Levi ra’ykuérape, ku oñemopotĩ háicha pláta ha óro tatápe, ha uperire ae oikuave’ẽta hekoitépe pende Ruete oipota háicha.

Números 3:6

Embyaty Levi tríbu ha emoĩ pa’i Aaron poguýpe,

Números 8:5

Ñanderuete oñe’ẽ Moiséspe ha he’i:

2 Corintoyguakuérape 7:1

Upévare che rayhupára, jaguerekógui koichagua promésa ñañemopotĩ opaichagua mba’evaígui omongy’áva ñande ro’o (rete) ha ñande pytu porã, ñañemboheko potĩve jahávo uvei Ñanderuetégui kyhyjepópe.

Deuteronómio 10:8

Umi árape Ñanderuete omboyke Levi tríbupe ogueraha hag̃ua Ñanderuete karameg̃ua hembiapoukapykuéra reheve, ha oiko hag̃ua hikuái Ñanderuete renondépe hembiguái ramo ha oporohovasa hag̃ua hérape ko ára kóva peve.

Tiágo 4:8

Peñemboja Ñanderuete rehe, ha Ha’e oñembojáta penderehe. Pemopotĩ pende pokuéra, peẽ angaipavóra, ha pemopotĩ porã pende py’apy, peẽ pendepy’a mokõiva.