Números 8:2

Ñanderuete Ñe’ẽ Porã 2015

Eñe’ẽ Aarónpe ha ere ichupe omyendy hag̃ua pe tataindyenda, oguerekóva 7 tataindy, ohesape hag̃ua henonderãme.

Referencias Cruzadas

Salmokuéra 119:105

Temiendy ningo ne ñe’ẽ che pykuérape g̃uarã, ha mba’e ohesapéva che rape.

Salmokuéra 119:130

Ne ñe’ẽ ohesape ñaneakã porã hag̃ua, ha omoarandu hag̃ua umi itavývape.

Éxodo 25:37

Ha pe tataindyenda oguerekóta 7 temiendy hi’ári ohesape hag̃ua henonde gotýo.

Éxodo 37:23

Ojapo oroitégui avei umi 7 temiendy, tataindy mopotĩha ha ña’ẽmbekuéra.

Éxodo 39:37

Pe tataindyenda hemiendy’inguéra reheve, ha opaite hembiporukuéra reheve, pe acéite ohesape hag̃ua pe tataindyenda,

Éxodo 40:25

Omyendy umi tesape Ñanderuete renondépe, Ha’e he’i haguéicha Moiséspe, peichaite ojejapopa avei.

Isaías 8:20

Umi ojeroviase’ỹva Ñanderuetére ha ndojaposéiva hembiapoukapy katuete naiko’ẽmo’ãi ha Che nañe’ẽmo’ãi hendivekuéra.

Levítico 24:4

Ñanderuete renondépe Aaron omopotĩ porã pe tataindyenda oĩva pe óga jojohuha kotyguasúpe, oñemboykéva pa’ikuérape g̃uarã.

Números 8:1

Ñanderuete oñe’ẽ Moiséspe ha he’i:

Números 8:3

Ha Aaron omyendy pe tataindyenda, hataindynguéra ohesape hag̃ua henonderã gotýo, Ñanderuete he’i haguéicha Moiséspe.

Matéo 5:14

Peẽ ningo tetãyguakuéra resape; pe táva oñemopu’ãva cérro ru’ãme ndaikatúi oñemi.

Juan 1:9

Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.

2 Pédro 1:19

Upéicha jaguereko avei umi proféta ñe’ẽ añeteguáva ha peẽ pejapo porã pejapysaka porã ramo avei hesekuéra; iñe’ẽnguéra ohesape porã ku tata rendy pytũnguýperõ guáicha osẽ meve pe mbyja ko’ẽ ohesape hag̃ua avei pende py’apýpe.

Apocalípsis 1:12

Ha ajerévo ahecha pe oñe’ẽva chendive, ha ahecha 7 tataindyenda oroguiguáva.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 4:5

Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.