Números 8:12

Ñanderuete Ñe’ẽ Porã 2015

Umi Levigua omoĩ mbareteva’erã ipo umi tóro ra’y akã ári; ha oikuave’ẽva’erã peteĩ kuave’ẽmby hi’angaipa reheguáva ha pe ambue kuave’ẽmby ojehapypáva ramo omboete hag̃ua pende Ruetépe ha Leviguakuéra oñemoĩ porã hag̃ua pende Ruete ndive.

Referencias Cruzadas

Éxodo 29:10

Upéi regueraháta pe tóro ra’yrusu pe óga jojohuha renondépe ha Aaron ha ita’yrakuéra omoĩ mbaretéta ipokuéra pe tóro ra’yrusu akã ári.

Levítico 1:4

Upe oikuave’ẽva omoĩ mbareteva’erã ipo hymba oñekuave’ẽtava akã ári, ha pe tymba jára ohupitýta ikuave’ẽmby rupi perdon hembiapo vaikuére.

Levítico 14:22

ha mokõi jeruti térã mokõi pykasura’y, ipu’aka háicha; peteĩ oikuave’ẽukáta kuave’ẽmby angaipa reheguáva ramo ha ambue kuave’ẽmby ojehapypáva ramo.

Levítico 16:11

Ha Aaron oguerukava’erã pe tóro ra’yrusu kuave’ẽmby angaipa reheguáva ramo oñemoĩ porã jevy hag̃ua ha’e ha hogayguakuérape, ha upéi oajúra kytĩva’erã pe tóro ra’yrusu imba’éva kuave’ẽmby ñemoĩ porã reheguáva ramo.

Levítico 16:21

ha Aaron omoĩ mbareteva’erã ipo mokõivéva kavara mácho akã ári, ha omombe’úta opaite Israel ñemoñarenguéra rembiapo vai, opaite iñepu’ãse ha opaite iñangaipakuéra; upéicha omoĩmbáta umía pe kavara mácho akã ári, ha peteĩ kuimba’e ogueraháta pe kavara mácho desiértope.

Levítico 16:6

Ha Aaron ogueruva’erã pe tóro ra’yrusu kuave’ẽmby angaipa reheguáva ramo imba’eteéva, ha’e ha hogayguakuéra oñemoĩ porã jevy hag̃ua (pende Ruete ndive).

Levítico 4:15

Ha umi karai anciáno omoĩ mbareteva’erã ipokuéra pe tóro ra’yrusu akã ári, pende Ruete renondépe, ha oajúra kytĩva’erã pe tóro ra’yrusu.

Levítico 4:20

Ha ojapova’erã pe tóro ra’yrusúgui ojejapo haguéicha pe tóro ra’yrusu angaipa rehegua reheve; peichaite ojapova’erã avei ichugui; péicha pe pa’i ojapóta hesehápe ha oñeperdonáta ichupe.

Levítico 4:35

Ha ikyrakue ojepe’apava’erã ichugui, ojepe’a haguéicha avei pe kuave’ẽmby py’aguapy reheguávagui ha pe pa’i ohapyva’erã pe kuave’ẽmby renda ári pende Ruetépe g̃uarã; péicha pe pa’i ojapóta hesehápe ha oñeperdonáta ichupe.

Levítico 4:4

Upévare ha’e ogueruva’erã pe tóro ra’yrusu pe óga jojohuha rokẽme, pende Ruete renondépe ha omoĩ mbareteva’erã ipo pe tóro ra’yrusu akã ári ha oajúra kytĩva’erã pende Ruete renondépe.

Levítico 5:7

Ha ndoguerekói ramo ohupity hag̃ua peteĩ ovecha, pe angaipa ojapova’ekue rehe ogueruva’erã pende Ruetépe mokõi jeruti térã mokõi pykasu ra’yrusu, peteĩ oñemoĩ porã jevy hag̃ua ha ambue kuave’ẽmby ojehapypáva ramo.

Levítico 8:14

Upéi ogueruka pe tóro ra’yrusu angaipáre g̃uarã, ha Aaron ha ita’yrakuéra omoĩ mbarete ipokuéra pe tóro ra’yrusu akã ári,

Levítico 8:15

ha oajura kytĩ; ha Moises ojapyhy huguykuégui, ha ikuãme omoĩ pe kuave’ẽmby renda ratĩ jerekuévo rehe, upéi omopotĩ pe kuave’ẽmby renda ha pe tuguy hembýva oñohẽ ipýre, péicha oñemboyke pe kuave’ẽmby renda Ñanderuetépe g̃uarã ha pe angaipavóra oñemoĩ porã jevy hag̃ua ikuave’ẽmby rupi Ñanderuete ndive.

Levítico 8:18

Upéi ogueruka pe ovecha mácho kuave’ẽmby ojehapyva’erãva ha Aaron ha ita’yrakuéra omoĩ mbarete ipokuéra pe ovecha mácho akã ári,

Levítico 8:34

Ojejapo haguéicha ko árape, Ñanderuete ojapouka avei pe kuave’ẽmby oñemoĩ porã jevy hag̃ua hendive.

Levítico 9:7

Ha Moises he’i Aarónpe: Eñemboja pe kuave’ẽmby renda rehe ha eikuave’ẽ ne kuave’ẽmby angaipa reheguáva ha ne kuave’ẽmby ojehapypáva, nde ha ne retãyguakuéra rehe peñemoĩ porã jevy hag̃ua Ñanderuete ndive, Ha’e he’i haguéicha peẽme.

Números 6:14

ha oikuave’ẽva’erã peteĩ ovecha mácho iporãitéva, oguerekóva peteĩ año, kuave’ẽmby ojehapypáva ramo pende Ruetépe g̃uarã, ha peteĩ ovechakuña iporãitéva hi’áño peteĩva, oñemoĩ porã jevy hag̃ua, ha peteĩ ovecha mácho iporãitéva kuave’ẽmby py’aguapy reheguáva ramo.

Números 6:16

Ha pe pa’i oguerupava’erã pende Ruete renondépe oikuave’ẽ hag̃ua ichupe pe kuave’ẽmby angaipa reheguáva ha kuave’ẽmby ojehapypáva,

Números 8:13

Uperire emohenda Leviguakuérape Aaron ha ita’yrakuéra renondépe, ha’ekuéra oñemboyke hag̃ua kuave’ẽmby ramo pende Ruetépe g̃uarã.

Números 8:8

Upéi ogueruva’erã hikuái peteĩ tóro ra’yrusu ha trígo ku’i porã oñembojehe’apyréva acéite reheve, ha peikuave’ẽmbava’erã ambue tóro ra’yrusu reheve kuave’ẽmby angaipa reheguáva ramo.

hebreoyguakuerape 9:22

Haimete opaite mba’e oñemopotĩ tuguýpe, Moises rembiapoukapy he’i háicha, ha oñehẽ’ỹre tuguy katu ndoikói perdon avei, (Levítico 17,11; Efesoyguakuérape 1,7).