Números 8:11

Ñanderuete Ñe’ẽ Porã 2015

ha Aaron omboykéta Leviguakuérape pende Ruetépe g̃uarã, Israel ñemoñarenguéra kuave’ẽmby myatymõiva ramo, ombokatupyry hag̃ua ichupekuéra oservi hag̃ua pende Ruetépe pe óga jojohuhápe.

Referencias Cruzadas

Éxodo 29:24

ha emoĩmba Aaron ha ita’yrakuéra pópe embokacha hag̃ua kuave’ẽmby myatymoimbyre ramo pende Ruete renondépe.

Levítico 7:30

Ipotee rupi ogueruva’erã ko kuave’ẽmby ojehapyva’erãva pende Ruete renondépe; ogueruva’erã ikyrakue ha ipyti’akue; ipyti’akue oñemyatymoi hag̃ua kuave’ẽmby myatymoimbyréva ramo pende Ruete renondépe.

Levítico 7:34

Che, pende Ruete, arecebi Israel ñemoñarenguéragui ikuave’ẽmby py’aguapy rehegua ipyti’akue oñemyatymoiva ha icuárto, ha ãva ame’ẽ jevýta pa’i Aaron ha ita’yrakuérape, ko’ã ñe’ẽ opyta tembiapoukapýicha opaite árape Israel ñemoñarenguéra apytépe.

Levítico 8:27

Ha Moises omoĩmbaite Aaron ha ita’yrakuéra pópe, omyatymoi hag̃ua ko kuave’ẽmby Ñanderuete renondépe.

Levítico 8:29

Upéi Moises ojapyhy ipyti’akue omyatymoi hag̃ua Ñanderuete renondépe; ko ovecha mácho pyti’akue Moises mba’erã, Ñanderuete he’i haguéicha ichupe.

Números 6:20

pe pa’i omyatymõiva’erã umíva pende Ruete renondépe kuave’ẽmby ñemyatymoimbýva ramo, ha pe pa’i omyatymoimba rire ogueraháta imba’e ramo ipyti’akue ha pe paletakue, uperire ae upe Nazaréo hoy’ukuaa jevy víno.

Deuteronómio 10:8

Umi árape Ñanderuete omboyke Levi tríbupe ogueraha hag̃ua Ñanderuete karameg̃ua hembiapoukapykuéra reheve, ha oiko hag̃ua hikuái Ñanderuete renondépe hembiguái ramo ha oporohovasa hag̃ua hérape ko ára kóva peve.