Números 6:9

Ñanderuete Ñe’ẽ Porã 2015

Ha sapy’a oĩ ramo peteĩ omanova’ekue ijypýpe, iñakã oñemopotĩmava’ekue oñemongy’a; upéicharupi, toha’ãrõ 7 ára ha pe ára 7-hápe omoperõva’erã iñakã, ipotĩ jevy hag̃ua.

Referencias Cruzadas

Ezequiel 44:27

Ha pe ára oike jevyha che rogaguasúpe, upe korapy ryepyvoveguápe omba’apo hag̃ua, oikuave’ẽ raẽva’erã kuave’ẽmby hembiapo vai rehe, he’i pende Ruete.

Levítico 14:8

Ha pe hasyva’ekue ojoheiva’erã ijao, ojehague’opa ha oñemopotĩva’erã ýpe ipotĩ jevy hag̃ua; ha upéi oikéta pe tekohápe, oikóta katu 7 ára pukukue hóga rokárape.

Levítico 14:9

Ha pe ára 7-hápe omoperõ jevyva’erã iñakã rague, hendyva, ityvyta ha opaite haguekuéra, ha ojoheiva’erã ijao, ojoheiva’erã hete ýpe, ha ha’e ipotĩ jevy.

Números 6:18

Ha upe Nazaréo omoperõva’erã iñakã oñemopotĩva’ekue pe óga jojohuha rokẽme, ha ohapyva’erã iñakãraguekue oitývo pe kuave’ẽmby py’aguapy rehegua tatápe.

Números 6:8

Oiko aja Nazaréo ramo, oñemboykéma pende Ruetépe g̃uarã.

Apostolkuéra 18:18

Páblo katu hi’are gueteri heta ára Coríntope. Uperire oñemomaitei paha ha oho bárcope Priscíla ha Aquíla ndive Síria retãme. Cencréape Páblo oñemoakãperõ ojapo hag̃ua iñe’ẽ ome’ẽva’ekue (ivóto) Ñanderuetépe.

Apostolkuéra 21:27

Opapotávo umi 7 ára oñemopotĩ hag̃ua, umi Judaygua ouva’ekue Ásiagui ohechávo Páblope Ñanderuete rogaguasúpe, ha omboapañuãi opaite Israelguakuérape oñembyatýva guive upépe, ha oapresa hikuái Páblope,

Deuteronómio 21:12

emoinge ichupe nde rógape, emoperõ iñakã, eikytĩ ipyapẽnguéra,