Números 6:5

Ñanderuete Ñe’ẽ Porã 2015

Oiko aja Nazaréo ramo noikytĩriva’erã hi’áva, oñemboty peve umi ára oñemboykeseha peve pende Ruetépe g̃uarã, ha’e oñemboheko porãve hag̃ua, ohejava’erã iñakã rague okakuaa.

Referencias Cruzadas

Ezequiel 44:20

Ha noñemoakã perõiva’erã, ha ndohejaiva’erã iñakã raguekuéra ipuku, oñeñapĩva’erã hikuái.

Números 6:4

Oñeme’ẽ guive Nazaréo ramo ndo’uiva’erã mba’evete ojejapóva parral’águi, ha’ỹigui térã ipirégui.

Apostolkuéra 18:18

Páblo katu hi’are gueteri heta ára Coríntope. Uperire oñemomaitei paha ha oho bárcope Priscíla ha Aquíla ndive Síria retãme. Cencréape Páblo oñemoakãperõ ojapo hag̃ua iñe’ẽ ome’ẽva’ekue (ivóto) Ñanderuetépe.

Juéces 13:5

Eikuaa porãke, nde nderyeguasúta ha nemembýta peteĩ mitãkuimba’e, ani reikytĩ iñakãrague, pe mitãkuimba’e péva ningo Nazareorã, ha’e oñemboykéta Ñanderuetépe g̃uarã ha ha’e oñepyrũta osalva Israélpe Filisteayguakuéra poguýgui.

Juéces 16:17

Ha omyesakãvo ipy’apy he’i ichupe: Araka’eve che akã rehe ndojái gueteri kyse hãimbe; che ningo peteĩ Nazaréo, oñeme’ẽva Ñanderuetépe g̃uarã, che sy ryépe aiko guive. Oñekytĩ mbykyete ramo che akãrague che pu’aka ojeíta chehegui, ha chekangýta ha aikóta oimeraẽ ambue kuimba’éicha.

Juéces 16:19

Ha Dalíla omonge Sansónpe henypy’ã ári, ha ohenói peteĩ kuimba’épe, oikytĩ hag̃ua umi 7 iñakãrague ñopẽmbyre; ha upéicha Dalíla omokangy ichupe ha ipu’aka ojei Sansóngui.

1 Samuel 1:11

Ha oñembo’évo he’i: Yvága atykuéra Jára, ema’ẽ ne rembiguái jepy’apy rehe, ha ani nderesarái chehegui ha reme’ẽ ramo chéve che membyrã, peteĩ kuimba’e, che voi aikuave’ẽ jevýta ndéve hekove, ha iñakã rehe noñembohasamo’ãi kyse hãimbe (oikóta Nazaréo ramo).