Números 6:12

Ñanderuete Ñe’ẽ Porã 2015

Oñemboyke jevy hag̃ua Nazaréo ramo pende Ruetépe g̃uarã togueru peteĩ ovecha ra’yrusu, oguerekóva peteĩ áño, angaipa reheguáva ramo hembiapo vai rehe; umi ára oñemonazareova’ekue opyta rei, omongy’águi inazaréo reko, ndojehechakuaáigui umi ára ohasamava’ekue, ha oñepyrũ jevyva’erã.

Referencias Cruzadas

Éxodo 12:5

Pe tymba oñekuave’ẽséva ndoguerekoiva’erã ijehe mba’eve ivaíva, máchova’erã ha oguerekova’erã peteĩáño ha pe’ukuaa ovecha térã kavara.

Ezequiel 18:24

Ha pe heko potĩva opoi ramo heko potĩgui ha oñemoangaipahína, ha ojapo ramo umi heko vaíva ojapo háicha, oikovénepa ha’e. Nahániri, Che nachemandu’avéi heko potĩngue rehe, pe heko ñepu’ã rupi ha opyrũgui teko porã rehe; ha hembiapo vai rupi, katuete ha’e omanova’erã.

Levítico 14:24

Ha pe pa’i oikuave’ẽva’erã pe ovecha ra’yrusu oñemyengovia hag̃ua ha pe acéite, kuave’ẽmby oñemyatymoiva ramo pende Ruete renondépe.

Levítico 5:6

ha oñemoĩ porã jevy hag̃ua ogueruva’erã Ñanderuetépe peteĩ ovecha kuña térã peteĩ kavara kuña ikuave’ẽmby ramo; ha pe pa’i oikuave’ẽva ko kuave’ẽmby angaipa reheguáva pe mba’evai apoha ohupity iperdon.

Levítico 5:7

Ha ndoguerekói ramo ohupity hag̃ua peteĩ ovecha, pe angaipa ojapova’ekue rehe ogueruva’erã pende Ruetépe mokõi jeruti térã mokõi pykasu ra’yrusu, peteĩ oñemoĩ porã jevy hag̃ua ha ambue kuave’ẽmby ojehapypáva ramo.

Números 6:11

Ha pe pa’i oikuave’ẽva’erã peteĩ guyra kuave’ẽmby angaipa reheguáva ramo omoĩ porã jevy hag̃ua ichupe pende Ruete renondépe, ha pe ambue guyra ojehapýta kuave’ẽmby ojehapypáva ramo, oñemongy’a haguére pe omanova’ekue retekue rehe ha oñemopotĩ jevýta iñakãrague (ijejavýgui).

Números 6:13

Ko Nazaréo omboty ramo umi ára Inazaréo reko reheguáva ouva’erã pe óga jojohuha rokẽme,

Matéo 24:13

Ha upe ogueropu’akáva ipahaite peve, péva ojesalvava’erã katuete.

Matéo 3:15

Hesu katu ombohovái ichupe: Ejapo katu ko’ág̃a. Iporã ningo ñande jajapopa opaite mba’e hekópe. Ha upévo ae omoneĩ ichupe Ha’e oipotávape.

Tiágo 2:10

Oime ramo ojapopáva Ñanderuete rembiapoukapykuéra, ha upéi ojavy ramo peteĩme jepe, péva opyta ojavy ramoguáicha opaite Ñanderuete rembiapoukapykuéra.

2 Juan 1:8

Peñeñangareko porãke ichuguikuéra, anítei pehundi ore rembiapokue, pehupity uvei pene rembiapokue repy renyhẽ porãva.