Números 5:7

Ñanderuete Ñe’ẽ Porã 2015

upe tapicha omombe’uva’erã hi’angaipa ojapova’ekue, omyengoviapava’erã umi mba’e ijára ohundiva’ekue hembiapo vaikue rupi, ha omoĩveva’erã hi’ári 20 por ciénto ha ome’ẽmba jevyva’erã ijárape.

Referencias Cruzadas

Salmokuéra 32:5

Upémaramo amombe’u ndéve che rembiapo vai, ha nañomíri ndehegui che ñaña reko ha ha’e: Amombe’upáta che angaipakuéra Ñanderuetépe, ha Nde reperdona che rembiapo vaikuerakuégui, Selah

Mga Kawikaan 28:13

Pe omokañýva hi’angaipa ndoiko porãi, ha upe oñemombe’úva ha oñemboykéva tembiapo vaígui ohupityva’erã perdon.

Levítico 26:40

Ha oñemombe’uva’erã hikuái heko ñañanguégui, ha ituvakuéra reko ñañanguégui, ha’ekuéra chembotavyse haguére ha oñemoĩ haguére cherehe.

Levítico 26:41

Upévare Che voi añemoĩta avei hesekuéra, ha ahejáta ojereraha ichupekuéra hesekuéra ija’e’ỹva retãme, upéicharamo oñemomirĩta ipy’apýpe ha ohechakuaava’erã heko ivaiha.

Levítico 5:15

Sapy’a rei oime ramo peteĩ tetãygua ojavy ha oñemoangaipa ramo nome’ẽigui pende Ruetépe pe respéto oñeme’ẽva’erãva, ha’e ogueruva’erã ijejavy rehe pende Ruetépe g̃uarã peteĩ ovecha mácho iporãva hymbakuéra atýgui, ovaléva 32,75 grámo pláta, kóva ningo kuave’ẽmby ñemyengovia reheguáva.

Levítico 5:16

Ha pe mba’e ha’e nome’ẽiva’ekue ome’ẽva’erã katuete, ha hi’ári ome’ẽveva’erã 20 por ciénto (he’ise 5 ovechágui ome’ẽva’erã peteĩ) ha omoĩmbáta pa’i pópe, ha upéi pe pa’i oikuave’ẽta pe ovecha mácho oñeperdona hag̃ua ichupe.

Levítico 5:5

ha oñandúma ramo oñemoangaipa hague ko’ã mba’e rupi, ha’e oñemombe’uva’erã umi angaipa ojapova’ekue rehe,

Levítico 7:7

Ku angaipa rehegua kuave’ẽmbýicha, peichaite pejapova’erã avei pe ñemyengovia rehegua kuave’ẽmby; peteĩ tembiapoukapýnte mokõivévape g̃uarã, pe pa’i oikuave’ẽvape oñeme’ẽva’erã ko kuave’ẽmby ro’okuégui.

Números 5:8

Ha pe tapicha péva omanóma ramo ha ndahogayguái ramo omyengovia hag̃ua, upéicharamo oñeme’ẽmbava’erã pa’ípe, pende Ruete rendaguépe, ha hi’ári oikuave’ẽveva’erã peteĩ ovecha mácho oñemoĩ porã jevy hag̃ua pende Ruete ndive.

Lúcas 19:8

Zaquéo katu oñembo’y ha he’i: Che Jára, amboja’óta che mba’e reta mbyte rupi, ame’ẽ hag̃ua mboriahukuérape peteĩ mbytekue, ha umi che ambotavyva’ekuépe, amyengoviáta ichupekuéra irundy jevyve pe pirapire aipe’a reiva’ekue ichuguikuéra.

Josué 7:19

Upémaramo Josue he’i Acánpe: Che ra’y, emboete Ñanderuete, Israel Járape, ha emomba’eguasu ichupe, eikuaaukávo chéve mba’épa rejapora’e; ani reñomítei chehegui mba’evete.