Números 4:5

Ñanderuete Ñe’ẽ Porã 2015

Pe ojevataha árape, Aaron ha ita’yrakuéra ouva’erã ha oipe’áta hendágui aosãingo, pe óga jojohuha pegua ha ipype oñu’ãva’erã pe karameg̃ua,

Referencias Cruzadas

1 Crónicas 15:15

Ha Levi ñemoñarenguéra ogueru hikuái Ñanderuete karameg̃ua, ha omoinge hi’yvakuéra umi karameg̃ua argollakuéra rehe oguerova hag̃ua ijati’ykuéra ári, Ñanderuete he’iuka haguéicha Moises juru rupi ichupekuéra.

1 Crónicas 23:26

Upéicha Leviguakuéra natekotevẽvéi ogueroja pe óga jojohuha ni hembiporu oñemboykéva ha ojeporúva pe tembiapo pévape.

2 Crónicas 3:14

Ojapo avei aosãingo aorã hovývagui, pytã hũvagui, pytãvagui ha línogui, ha jeguaka ramo omoĩ hese querubin ra’ãngakuéra.

Éxodo 36:35

Ojejapo umi aosãingo hovýva, pytãva, pytãũva ha líno inimbo jepokapyrégui; ha ojapo hikuái hese querubin ra’ãnga iporãitereíva.

Éxodo 40:3

ha ipype remoĩta pe karameg̃ua umi 10 tembiapoukapy reheve ha emboja’o pe kotyguasu oñemboykéva pa’ikuéra, pe ambue kotyguasu oñemboykéva Ñanderuete ha pa’iguasúpe g̃uarãnte, peteĩ aosãingo rupi.

Éxodo 40:5

ha remoĩta pe kuave’ẽmby renda oroguiguáva ojehapy hag̃ua mba’e ryakuã porã pe karameg̃ua rovái, ha remoĩta pe aosãingo henonde gotýo, ojeikehápe pe kotyguasúpe oñemboykéva pa’ikuérape g̃uarã.

Isaías 25:7

Ha Ha’e omboykéta, ko cérro kóvape, pe ao pererĩ omo’ãva opaite tríbu atýpe, ha pe ahoja oñu’ãva opaite tetãnguérape.

Levítico 16:2

Ha Ñanderuete he’i Moiséspe: Ere nde ryke’y Aarónpe, ha’e ndikatúi oike pe kotyguasu oñemboykéva pende Ruetépe ha pa’iguasúpe g̃uarã ha’e oipota háicha, pe aosãingo pererĩ kupépe, pe karameg̃ua renondépe pende Ruete reko jajaipa oĩháme, ani hag̃uátei omano ha’e avei; Che ajehechaukahápe arai rupi pe karameg̃ua ape ári.

Números 10:14

Juda ejército oho tenonde ipoyvi rapykuéri, ha Naason, Aminadab ra’y, oiko huvicha ramo.

Números 4:15

Ha Aaron ha ita’yrakuéra oñu’ãmba rire pe óga jojohuha ha hembiporukuéra ojeguerova hag̃ua, ouva’erã Coat ra’ykuéra ogueraha hag̃ua, ndopokoiva’erã mba’evete rehe, oñemboykémava guive pende Ruetépe g̃uarã, ani hag̃ua omano hikuái. Ko’ãva hína Coat ñemoñarenguéra rembiaporãnguéra, pe óga jojohuhápe.

Números 4:4

Ko’ãva Coat ñemoñare rembiaporã pe óga jojohuhápe, pe koty oñemboykéva pende Ruetépe ha pa’iguasúpe:

Números 7:9

Coat ñemoñarenguérape nome’ẽi mba’eve, ha’ekuéra oguerahagui ijati’y ári umi tembiporu oñemboykemava’ekue pende Ruetépe g̃uarã.

Matéo 27:51

Upévo Ñanderuete rogaguasu aosãingo osoro mbyte rupi, yvate guive yvy peve; ha pe yvy oryrýi, ha umi itaguasu ojeka;

Deuteronómio 31:9

Ha Moises ohai ko’ã tembiapoukapy peteĩ kuatiañe’ẽme ha ome’ẽ pa’ikuérape ha Levi ñemoñarenguérape, ogueraháva Ñanderuete karameg̃ua, ha avei mayma Israel karai ancianokuérape.

hebreoyguakuerape 10:20

Hesu Crísto ombosako’i ñandéve g̃uarã peteĩ tape pyahu ha oikovéva rehegua Ha’e omondoro ramoguare pe aosãingo (cortína) oĩva pe kotyguasu renondépe, oñemboykéva Ñanderuete ha pa’iguasúpe g̃uarã, Ha’e oikuave’ẽ hag̃ua ñandéve g̃uarã hekovetee.

hebreoyguakuerape 9:3

Ha pe koty mokõiha oñemboykéva Ñanderuetépe ha pa’iguasúpe g̃uarã, ha kóa oñemboja’o pe kotyguasu peteĩhágui peteĩ aosãingo (cortína) rupi.

1 Samuel 6:19

Ha Ñanderuete ojuka umi kuimba’e Bet-semesguápe, oma’ẽ haguére ikarameg̃ua ryepýre; 50.000 hetãygua apytégui ojuka 70 kuimba’épe. Ha umi tavaygua ojahe’o Ñanderuete ojuka haguére hetápe.