Números 4:18

Ñanderuete Ñe’ẽ Porã 2015

Aníke pehejátei oñehundi Coat ñemoñarenguéra Levi tríbu apytégui.

Referencias Cruzadas

Éxodo 19:21

Ha Ñanderuete he’i Moiséspe: Eguejy ha ere ne retãyguakuérape anítei ohasa pe cérro rembe’y cherechaségui, ỹrõ hetaiterei omanova’erã hikuái.

Éxodo 30:33

Oimeraẽ ojapóva ko acéite kóva ha omona hapicha rehe, ojejukava’erã hetãyguakuéra apytégui.

Éxodo 30:38

Upe ohapýva ko’ã mba’e, ohetũ hag̃ua hyakuã porãngue ojejukava’erã hetãyguakuéra apytégui.

Jeremías 38:23

Umi Caldeaygua oguenohẽmbáta ne rembirekokuéra ha nde ra’ykuéra, ha nerekañymo’ãi ipoguikuéra, re’áta uvei Babilónia retã ruvicha pópe, ha ko táva kóva ojehapypava’erã.

Números 16:32

ha pe yvy ojejurupe’a ha omokõ ichupekuéra, hogakuéra, ha opaite tapichakuéra oĩva guive Core ndive, ha opaite imba’erepy reheve.

Números 17:10

Ha Ñanderuete he’i Moiséspe: Emoĩ jevy Aaron yvyra po’i pe óga jojohuhápe ha eñongatu ijyvyra po’i pe karameg̃ua renondépe techaukaha ramo; péicha remokirirĩta umi iñe’ẽvaiva’ekuépe che renondépe, ani hag̃ua omanótei avei hikuái.

Números 18:5

Peẽ, Aaron ha ita’yrakuéra, pejapopáta pe óga jojohuha rembiapo ha peikuave’ẽta pe kuave’ẽmby renda ári, anivéma hag̃ua pende Ruete pochy ho’a jevy Israelguakuéra ári.

Números 3:27

Ko’ãva Coat ra’ykuéra hogaguasukuéra rupi: Amram ha hogaguasu kuéra ndive, Izhar ha hogaguasukuéra ndive, Hebron hogaguasukuéra ndive ha Uziel hogaguasukuéra ndive.

Números 4:17

Ñanderuete oñe’ẽ Moises ha Aarónpe ha he’i:

Números 4:19

Oikove hag̃ua ha ani omano hikuái oñemboja vove umi mba’e oñemboykémava rehe pende Ruetépe g̃uarã, péicha rejapova’erã hesekuéra: Aaron ha ita’yrakuéra ome’ẽva’erã peteĩteĩme hembiaporã ha hendag̃ua.

1 Samuel 6:19

Ha Ñanderuete ojuka umi kuimba’e Bet-semesguápe, oma’ẽ haguére ikarameg̃ua ryepýre; 50.000 hetãygua apytégui ojuka 70 kuimba’épe. Ha umi tavaygua ojahe’o Ñanderuete ojuka haguére hetápe.