Números 4:16

Ñanderuete Ñe’ẽ Porã 2015

Ha Eleazar, pa’i Aaron ra’y, poguýpe opytapáta pe acéite tataindy pegua, mba’e ryakuã asy, umi kuave’ẽmby tembi’u rehegua, pe acéite omona hag̃ua; ha’e oñangarekóta avei pe óga jojohuha rehe ha opaite mba’e rehe ipype oĩva guive, ha hembiporukuéra reheve.

Referencias Cruzadas

Éxodo 25:6

acéite tataindy ohesapévape g̃uarã, mba’e ryakuã porã, acéite oñemonava’erã ha mba’e ryakuã asýva,

Éxodo 30:22

Ñanderuete oñe’ẽve Moiséspe, ha he’i:

Éxodo 31:11

pe acéite omona hag̃ua, pe mba’e ryakuã porãva kuave’ẽmby rendápe g̃uarã; ha’ekuéra tojapopa hekoitépe ha’e haguéicha ndéve.

Éxodo 37:29

Ojapo avei hikuái pe acéite omona hag̃ua, ha pe mba’e ryakuã porã hyakuã asy hag̃ua, pe mba’e ryakuã porã apoha katupyrýva ojapo háicha.

Levítico 24:1

Ñanderuete oñe’ẽ Moiséspe, ha he’i:

Levítico 24:2

Ere Israel ñemoñarenguérape togueru ndéve acéite olívo jejosopyrégui, oñemyendy hag̃ua tataindyenda tapiaite.

Levítico 6:20

Aaron ha ita’yrakuéra oñemonaha árape oikuave’ẽva’erã pende Ruetépe: 2,2 lítro trígo ku’i porã opaite árape g̃uarã; pyhareve toikuave’ẽ 1,1 lítro ha ka’aru pe hembýva 1,1 lítro.

Números 3:32

Eleazar, pa’i Aaron ra’y, opytáta Levi tríbu ruvicha ramo ha oisãmbyhýta avei imburuvichakuérape.

Números 4:17

Ñanderuete oñe’ẽ Moises ha Aarónpe ha he’i:

Lúcas 4:18

Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

1 Corintoyguakuérape 4:1

Upéicha ñande rapichakuéra tañanderechakuaa ñande jaikoha Hesu Crísto rembiguái ramo, ha Ñanderuete mba’e ñemi rerekua ramo.

1 Timotéope 2:5

Oĩgui peteĩ Ñanderuete, ha peteĩnte ombojoajúva Ñanderuete umi tetãyguakuéra ndive, Hesu Crísto rupínte, oikova’ekue kuimba’e ramo ko yvy apére.

hebreoyguakuerape 3:1

Upévare che hermanokuéra heko potĩva, Ñanderuete ohenoimava’ekuépe imba’erã ramo, pema’ẽ porãke Hesu Crísto rehe, Ñanderuete ombouva’ekue pa’iguasu ramo, jajerovia hag̃ua hese.

hebreoyguakuerape 3:6

Hesu Crísto katu ojapo hekoitépe Ñanderuete rembipota ita’yratee ramo opaite Ñanderuete rogayguakuéra apytépe, ha pe óga Ñanderuete omopu’ãvahína ñande voi, jajerovia ramo vy’apópe hese ha ñaha’ãrõkuaa ramo umi mba’e ñambo’etevañaína ipaha peve.

1 Pédro 2:25

Peẽ peikova’ekue ku ovecha kañymbyréicha, ko’ág̃a katu pejevýma pende rerekua rendápe, Ha’e oñangareko hag̃ua pene ánga rehe.

1 Pédro 5:2

Peñangareko porãke Ñanderuete ovecha aty rehe, ani pejopy ichupekuéra, py’aporã reheve uvei, ha vy’apópe peneñe’ẽrendu Ñanderuete rembipotápe. Ani peiko ijovecha rerekua ramo pirapire rehehápe.