Números 4:12

Ñanderuete Ñe’ẽ Porã 2015

Ha’ekuéra ojapyhyva’erã umi tembiporu ojeporúva guive pe óga jojohuhápe, ha omoĩmbava’erã peteĩ aorã hovýpe, ha omo’ãva’erã peteĩ mo’ãha vaka y pegua pirekueguiguápe ha omohendava’erã pe mba’yru guerovaha ári.

Referencias Cruzadas

1 Crónicas 9:28

Ko’ãva apytégui oĩ avei umi oñangarekóva Ñanderuete rogaguasu rembiporukuéra rehe, ko’ã tembiporu ojepapa ojeporu mboyve ha ojeporu rire, ojekuaa hag̃ua oĩmbaha.

1 Crónicas 9:29

Ha ambue ijapytepekuéra pópe opyta umi tembiporu ojeporúva Ñanderuete róga kotyguasu oñemboykéva pa’ikuérape, ha oñangareko hag̃ua pe trígo ku’i, víno, acéite, mba’e ryakuã porã ha jukýre.

2 Crónicas 4:11

Hiram ojapo avei japepokuéra (ólla guasu), palakuéra ha vasoguasukuéra; ha Hiram ojapopa pe tembiapo tetã ruvicha Salomónpe, Ñanderuete rógape g̃uarã.

2 Crónicas 4:16

Ha japepokuéra, pála ha ty’ãinguéra (ganchokuéra), brónce porãgui ojapo Hiramabi mayma tembiporukuéra Salomónpe, Ñanderuete rógape g̃uarã.

2 Crónicas 4:19

Péicha Salomon ojapouka opaite tembiporukuéra Ñanderuete rogaguasúpe g̃uarã, ha pe kuave’ẽmby renda bronceguiguáva, ha umi mesa hi’ári oñemoĩ hag̃ua umi pan ojehechaukátava.

2 Crónicas 4:22

Umi tataindy inimbo kaipyre jetapa, umi ña’ẽ ohypýi hag̃ua, umi cuchára ha umi mba’e ryakuã porã oñemyatatĩha ojejapo avei óro porãgui. Ha órogui ojejapo avei Ñanderuete rogaguasu rokẽnguéra pe kotyguasu pegua oñemboykéva Ñanderuete ha pa’iguasúpe g̃uarã ha avei pe ambue kotyguasu pegua oñemboykéva pa’ikuérape g̃uarã.

Éxodo 25:5

ovecha mácho pire oñemopytãmbyréva ha vaka y pegua pirekue, yvyra acácia,

Éxodo 25:9

Che ahechauka háicha ndéve, upeichaite rejapova’erã pe óga péva ha opaite tembiporu.

Éxodo 31:10

umi ao pa’i Aaron ha ita’yrakuéra omondéta omba’apo hag̃ua, Ñanderuete rogaguasúpe,

Números 3:8

ha’ekuéra oñangarekóta opaite óga jojohuha rembiporukuéra rehe, ha opaite mba’e rehe Israel ñemoñarenguéra omoĩtava ipoguýpe, ojapo hag̃ua pe óga jojohuha rembiapo.

Números 4:11

Pe kuave’ẽmby renda oroguiguáva ári omyasãiva’erã peteĩ aorã hovýva, ha oñu’ãva’erã peteĩ mo’ãha vaka y pegua pirekueguiguápe ha omoĩmbava’erã hi’yvakuéra ijargólla kuápe.

Números 4:13

Oipe’ava’erã hikuái pe kuave’ẽmby rendágui tanimbu, ha omyasãiva’erã hi’ári peteĩ aorã pytãitéva.

Números 4:6

ha omoĩva’erã hi’ári pe mo’ãha vaka y pegua pirekueguiguáva, ha hi’ári omoĩva’erã peteĩ aorã (páño) hovýva, ha omoĩmbava’erã hi’yvakuéra ijargólla kuápe.

Números 4:7

Pe mesa ári omyasãiva’erã peteĩ aorã (páño) hovy ha hi’ári jevy umi ña’ẽ (fuénte), ña’ẽmbe (pláto), váso ha umi jarroguasu ojeporúva oñekuave’ẽ hag̃ua; pe pan tapiaite oĩva’erã hi’ári.

Números 4:9

Ojapyhyva’erã hikuái peteĩ aorã hovýva ha ipype oñu’ãva’erã pe tataindyenda, hataindynguéra, ijetapa, umi ña’ẽmbe ha opaichagua tembiporu ojeporúva acéitepe g̃uarã;