Números 3:9

Ñanderuete Ñe’ẽ Porã 2015

Leviguakuéra opytáta Aaron ha ita’yrakuéra poguýpe; Israel ñemoñarenguéra apytégui Levigua kuéra oipytyvõva’erã Aaron ha ita’yrakuérape opaite hembiapópe.

Referencias Cruzadas

1 Crónicas 15:2

Upéramo David he’i: Ñanderuete karameg̃ua ojegueruva’erãva Leviguakuéra rupínte; Ha’e oiporavógui ichupekuérante oguerova hag̃ua pe karameg̃ua, ha’ekuéra oiko hag̃ua hembiguái ramo opaite árape.

1 Crónicas 6:33

Ko’ãva, ita’yrakuéra ndive, oipytyvõ: Coat ra’ykuéragui, pe puraheihára Heman, Joel ra’y, Samuel ra’y,

Ésdras 2:43

Ñanderuete róga rembiguaikuéragui: Ziha ra’ykuéra, Hasufa ra’ykuéra ha Taboat ra’ykuéra;

Ésdras 6:18

Ha omoĩ hikuái pa’ikuéra omba’apova’erãva aty atýpe Ñanderuete rogaguasu rembiapópe, ha umi Levigua aty oñemboja’o haguéicha omba’apo hag̃ua avei Ñanderuete rogaguasúpe Jerusalénpe, ojehai háicha Moises kuatiañe’ẽme.

Ésdras 8:20

ha Ñanderuete róga rembiguaikuéragui, David ha mburuvichakuéra omoĩva’ekue Leviguakuéra rembiapópe Ñanderuete rogaguasúpe Jerusalénpe, ou 220 tembiguái, herakuéra oñemoĩma peteĩ kuatiañe’ẽme.

Números 16:9

Naimba’eguasúipa peẽme g̃uarã Israel Jára penemboykévo Israel atýgui ha pendeporavo peservi hag̃ua Ñanderuete róga rembiapópe ha peime hag̃ua pene retãyguakuéra renondépe peservi hag̃ua ichupekuéra.

Números 18:2

Ha ne pehẽnguekuéra, nde ru Levi tríbu reheguáva toñembyaty avei nendive, ha nde poguýpe tanepytyvõ ndéve ha nde ra’ykuérape pe óga jojohuha rembiapópe.

Números 3:8

ha’ekuéra oñangarekóta opaite óga jojohuha rembiporukuéra rehe, ha opaite mba’e rehe Israel ñemoñarenguéra omoĩtava ipoguýpe, ojapo hag̃ua pe óga jojohuha rembiapo.

Números 8:14

Péicha emboyke umi Leviguápe Israel ñemoñarenguéra apytégui, ha’ekuéra oiko hag̃ua che mba’etee ramo (ha cheservi hag̃ua).

Números 8:16

Umi Levigua che mba’eteégui, opaite Israel ñemoñarenguéra apytégui, opytáta opaite Israel ra’y ypykue rekovia; Che arecebígui ichupekuéra che mba’erã ramo mayma Israel ñemoñare ra’y ypykue rekovia ramo.

Números 8:18

Upévare Che aiporavo umi Leviguápe mayma Israel ñemoñarenguéra ra’y ypykue rekovia ramo.

Números 8:19

Ha Che amoĩma umi Leviguápe Aaron ha ita’yrakuéra poguýpe omba’apo hag̃ua Israel ñemoñarenguéra rendaguépe pe óga jojohuhápe, ha’ekuéra omoingo porã jevy hag̃ua Israel ñemoñarenguéra pende Ruete ndive, ani hag̃ua ou mba’asy vai Israel ñemoñarenguérape, ha’ekuéra oñemboja ramo pe óga jojohuha rehe.

Efesoyguakuérape 4:11

Hesu Crísto voi ome’ẽ ime’ẽmbykuéra (dónes) ijiglesiayguakuéra apytépe oiko hag̃ua: Apostolkuéra ramo, ambuekuéra proféta ramo, ambuekuéra omyasãi hag̃ua pe evangélio (evangelísta ramo), ambuekuéra pastor ramo (iglésia rerekua ramo) ha ambuekuéra mbo’ehára ramo,

Efesoyguakuérape 4:8

Upévare Ñanderuete kuatiañe’ẽme he’i: Ha’e ojupi yvate ha ogueraha hendive heta ojepokuávape (prisionéro) ha ome’ẽ tetãyguakuérape ime’ẽmbykuéra, (Salmokuéra 68,19).