Embyaty Levi tríbu ha emoĩ pa’i Aaron poguýpe,
Upéramo David he’i: Ñanderuete karameg̃ua ojegueruva’erãva Leviguakuéra rupínte; Ha’e oiporavógui ichupekuérante oguerova hag̃ua pe karameg̃ua, ha’ekuéra oiko hag̃ua hembiguái ramo opaite árape.
Umía oĩ Aaron ra’ykuéra poguýpe ojapo hag̃ua pe tembiapo Ñanderuete rogaguasúpe, ijerekuévo, ikorapykuéra ha ikotykuérape, omopotĩ hag̃ua opaite mba’épe oñemboykéva guive Ñanderuetépe ha ambue tembiapo ojejapova’erãva Ñanderuete rogaguasúpe.
Ha’ekuéra oipytyvõ avei oñangareko hag̃ua pe óga jojohuha renda rehe, opytáva ipehẽnguekuéra Aaron ra’ykuéra ha iñemoñarenguéra poguýpe, ha’ekuéra omoakãmbágui opaite Ñanderuete rogaguasu rembiapo.
Ko’ãva, ita’yrakuéra ndive, oipytyvõ: Coat ra’ykuéragui, pe puraheihára Heman, Joel ra’y, Samuel ra’y,
Che ra’ykuéra ani peñembotavýtei ko’ág̃a, Ñanderuete ningo pendeporavo peime hag̃ua henondépe ha pemomba’eguasu hag̃ua ichupe, ha peiko hag̃ua hembiguái ramo, ha pehapy hag̃ua ichupe mba’e ryakuã porã.
Ha omoĩ hikuái pa’ikuéra omba’apova’erãva aty atýpe Ñanderuete rogaguasu rembiapópe, ha umi Levigua aty oñemboja’o haguéicha omba’apo hag̃ua avei Ñanderuete rogaguasúpe Jerusalénpe, ojehai háicha Moises kuatiañe’ẽme.
Péicha peikuaáta Che ame’ẽ hague che ñe’ẽ Levípe, he’i ángel atykuéra Jára.
Eikuaa porãke, Che ambohasa Levi ñemoñarenguérape opaite diézmo Israelguakuéra ome’ẽtava chéve, ha hembiapo repyrã ojejapova’erãva rehe pe óga jojohuha.
Upéi Leviguakuéra ogueraháta pe óga jojohuha, itríbu mbytetépe ha opaite tríbu opytava’erã ijejército oĩháme ha oñemohenda haguépe ichupekuéra pe óga jojohuha jerekuévo.
Ha umi Leviguápe ndojepapái ambue Israel ñemoñarenguéra ndive, Ñanderuete he’i haguéicha Moiséspe.
Ha Ñanderuete oñe’ẽ Moiséspe ha he’i:
Umi árape Ñanderuete omboyke Levi tríbupe ogueraha hag̃ua Ñanderuete karameg̃ua hembiapoukapykuéra reheve, ha oiko hag̃ua hikuái Ñanderuete renondépe hembiguái ramo ha oporohovasa hag̃ua hérape ko ára kóva peve.
