Números 3:25

Ñanderuete Ñe’ẽ Porã 2015

Ha Gerson ra’y oñangareko pe óga jojohuha rehe, oĩháme umi mokõi kotyguasu, pe kotyguasu oñemboykéva pa’ikuérape ha pe kotyguasu oñemboykéva Ñanderuete ha pa’iguasúpe, ha avei imo’ãhakuéra ha umi aosãingo hokẽ rehegua rehe.

Referencias Cruzadas

1 Crónicas 23:32

Ha’ekuéra oipytyvõ avei oñangareko hag̃ua pe óga jojohuha renda rehe, opytáva ipehẽnguekuéra Aaron ra’ykuéra ha iñemoñarenguéra poguýpe, ha’ekuéra omoakãmbágui opaite Ñanderuete rogaguasu rembiapo.

2 Crónicas 31:2

Upéi Ezequías omboja’o umi pa’i ha Leviguakuéra aty atýpe, peteĩteĩva omba’apo hag̃ua hi’araitépe; umi pa’i ha Levigua oikuave’ẽ hag̃ua kuave’ẽmby ojehapypáva ha py’aguapy reheguáva, ha ojapo hag̃ua avei ambue tembiapo omboete ha omomba’eguasu hag̃ua Ñanderuetépe hogaguasu korapýpe.

Éxodo 25:9

Che ahechauka háicha ndéve, upeichaite rejapova’erã pe óga péva ha opaite tembiporu.

Éxodo 40:19

Moises omo’ãuka pe óga jojohuha aosãingo reheve, Ñanderuete he’i haguéicha ichupe.

Éxodo 40:28

Omoĩ avei pe aosãingo pe óga ojeikehápe.

Números 1:50

Leviguakuéra toñangareko pe óga jojohuháre ha opaite hembiporukuéra rehe, oĩva guive ipype, ha’ekuéra oguerahava’erã pe óga jojohuha ha opaite hembiporukuéra, ha’ekuéra ojapova’erã hembiapo ipype ha omopu’ãva’erã hóga pirekueguiguakuéra pe óga jojohuha jerekuévo.

Números 10:17

Uperire osẽ Leviguakuéra, Gerson ha Merari ñemoñarenguéra, oguerojávo pe óga jojohuha.

Números 3:24

ha Gerson ñemoñare ruvicha Eliasaf, Lael ra’y.

Números 3:7

ha’ekuéra ojapopa hag̃ua ha’e he’íva guive ichupekuéra; ha’ekuéra opytáta ambue Israel ñemoñarenguéra rendaguépe omba’apo hag̃ua pe óga jojohuhápe;

Números 7:7

Mokõi carréta ha irundy guéi ome’ẽ Gerson ñemoñarenguérape, oiporu hag̃ua hembiaporãme.

Márcos 13:34

Ojogua peteĩ kuimba’épe ohóva mombyry, oheja hóga ha ome’ẽ peteĩteĩ hembiguaikuérape hembiaporã, ha he’iuka okẽ rerekuápe oñangareko porã hag̃ua.

Colosayguakuérape 4:17

Ha che ha’ese Arquípope: Ejapo hekoitépe Ñanderuete rembiapo oñeme’ẽmava’ekue ndéve.

1 Timotéope 1:18

Ko ñe’ẽ kóva che aipota nde, che ra’y, Timotéo rehechakuaa porã ha emyasãi avei ambuekuérape, ojejapouka haguéicha ndéve profecía rupi, upévare eñeha’ãmba nde reñorãirõ hag̃ua pe ñorãirõ porãme,