Números 3:10

Ñanderuete Ñe’ẽ Porã 2015

Ha remoingóta Aaron ha ita’yrakuérape pa’i ramo, ha peteĩ hesegua’ỹva oñemboja ramo pe óga jojohuha rembiapópe, katuete omanova’erã.

Referencias Cruzadas

2 Samuel 6:7

Ha Ñanderuete pochy hendy Uza rehe, ha upepete ombohasyete ichupe, ha ho’ávo, omano Ñanderuete karameg̃ua ykére, opoko haguére pe karameg̃ua rehe, (pa’ikuérante ikatúva opoko).

1 Réyes 12:31

Omopu’ã avei óga yvy yvate ári, ha omoĩ ipype pa’i tetãygua apytégui ndaha’éiva Levi ñemoñare.

1 Crónicas 6:32

Ha’ekuéra opurahéi pe óga jojohuha rovái, Salomon omopu’ã meve Ñanderuete rogaguasu Jerusalénpe; upéi oiko hikuái hembiapokuérape ojepokuaa háicha.

Nehemías 6:11

Upémaramo ha’e: Peteĩ kuimba’e cheichagua piko okañýne. Ha cheichaguávapa oikéne Ñanderuete rógape osalva hag̃ua hekove. Ndaikemo’ãi.

Éxodo 29:9

Reiku’akuáta Aaron ha ita’yrakuérape ijokuahápe ha remoĩta ichupekuéra iñakã rehegua ha’ekuéra oiko hag̃ua che pa’ikuéra ramo opaite ára peve. Péicha emboykéta Aaron ha ita’yrakuérape chéve g̃uarã.

Ezequiel 44:8

Ha peẽ voi pejapo rãngue ko tembiapo kóva che rogaguasúpe, peẽ pegueru gueteri tetã ambueygua ojapo hag̃ua ko’ã mba’e,

Levítico 22:10

Avave hesegua’ỹva ndo’uiva’erã umi mba’e oñemboykémava pende Ruetépe g̃uarã; ni pa’i mbohupa, ni pe omba’apóva ichupe g̃uarã.

Números 1:51

Ha pe óga jojohuha ojererovataha ára umi Levigua oipe’apava’erã, ha pe óga jojohuha opytataha ára, umi Levigua omopu’ãmba jevyva’erã; ha hesegua’ỹva oñemboja ramo pe tembiapo pévare omanova’erã.

Números 16:10

Ñanderuete oheja peẽ Leviguakuéra peñemboja hag̃ua hendápe, ha napeneryg̃uatãigui peikose avei Jahve pa’ikuéra ramo.

Números 16:35

Ñanderuete renondégui osẽ avei tata, ha ohundi umi 250 kuimba’épe oikuave’ẽva pe mba’e ryakuã porãva.

Números 16:40

Israel ñemoñarenguéra imandu’a hag̃ua Aaron ñemoñarenguérante oikuave’ẽva’erãha mba’e ryakuã porã Ñanderuete renondépe, ha ani hag̃ua ojehu ichupekuéra Core ha iñirũnguérape ojehu haguéicha ha Ñanderuete he’i haguéicha ichupe Moises juru rupi.

Números 18:3

Ha’ekuéra ojapopava’erã nde eréva guive ichupekuéra ha oñangarekóta avei hikuái pe óga jojohuha rehe; noñembojaiva’erã katu pe kuave’ẽmby renda pegua tembiporu rehe, oñemboykéva pende Ruetépe, ani hag̃ua ha’ekuéra ha peẽ pemano avei.

Números 18:7

Nde, Aaron, ha nde ra’ykuéra peñangarekóta pendejehe pa’i rekoitépe opaite mba’e ojejapóva guive pe kuave’ẽmby rendápe ha óga jojohuha kotykuérape péva ningo pene rembiapo, Che ame’ẽma peẽme peiko hag̃ua pa’i ramo; oimeraẽ ndaha’éiva pa’i ha ojapo ramo pa’i rembiapo omanova’erã.

Números 3:11

Ñanderuete oñe’ẽ Moiséspe ha he’i:

Números 3:38

Pe óga jojohuha renondépe, kuarahyresẽ gotýo, oñemohendáta Moises ha Aaron ita’yrakuéra ndive, oñangareko hag̃ua pe tenda oñemboykéva rehe pende Ruetépe g̃uarã, Israel ñemoñarenguéra rekovia; ha hesegua’ỹva oñemboja ramo hóga jojohuha rembiapópe omanova’erã.

Romayguakuérape 12:7

térã taha’e upe oservíva, toservi hekópe ñande jerovia Hesu Crísto rehe ojerure háicha; taha’e pe mbo’ehára rembiapo ombo’éva hapichakuérape, toporombo’e hekópe ñande jerovia Hesu Crísto rehe ojerure háicha,

Efesoyguakuérape 2:19

Upévare peẽ ndaha’evéima tetã ambueyguáva ni ndapeikovéima peteĩ tetã ndaha’éiva pene mba’épe; peẽ ningo tapicha oñemboheko potĩva ha Ñanderuete rogaygua avei.

Deuteronómio 18:5

Ñanderuete oiporavógui Leviguakuérape ambue tribukuéra apytégui, omba’apo hag̃ua hóga jojohuha rembiapópe opaite árape.

hebreoyguakuerape 8:4

Ha’e oiko ramoguare ko yvy ape ári, Ha’e ndoikói pa’i ramo, oĩgui gueteri pa’i oikuave’ẽva kuave’ẽmby Moises rembiapoukapy he’i háicha.

Juéces 17:5

Ko kuimba’e Mica oguereko voi ijára gua’u róga ha ojapouka avei peteĩ póncho mbyky (pa’ípe g̃uarã) ha ojapouka ambue jára ra’ãngakuéra ha omona (oiporavo) peteĩ ita’ýrape oiko hag̃ua pa’i ramo.

1 Samuel 6:19

Ha Ñanderuete ojuka umi kuimba’e Bet-semesguápe, oma’ẽ haguére ikarameg̃ua ryepýre; 50.000 hetãygua apytégui ojuka 70 kuimba’épe. Ha umi tavaygua ojahe’o Ñanderuete ojuka haguére hetápe.