Números 28:2

Ñanderuete Ñe’ẽ Porã 2015

Ere Israel rogaguasukuérape: Toikuave’ẽ chéve kuave’ẽmby hendýva ha kuave’ẽmby tembi’u reheguáva hyakuã asy hag̃ua chéve, ha peikuave’ẽmbava’erã chéve hi’oraitépe ha hi’araitépe.

Referencias Cruzadas

Genesis 8:21

Ha Ñanderuete ohetũvo pe mba’e ryakuã asy, he’i ipy’apýpe: Namaldecimo’ãvéi pe yvy, kuimba’e ha kuñakuéra rehe; kuimba’e ha kuña py’apy opensa mba’evai rehe imitãrusu ára guive; ha nahundimo’ãvéima ichupekuéra ajapo haguéicha ko’ág̃a.

1 Crónicas 23:31

Oipytyvõva’erã oñekuave’ẽ ramo kuave’ẽmby ojehapypáva Ñanderuetépe g̃uarã opaite pytu’uha árape, jasy ra’y ha areteguasukuérape, peteĩteĩ omba’apo hag̃ua ijaty atyteépe ohupity háicha.

2 Crónicas 23:18

Upéi Joiada omoĩ pa’ikuéra ha Leviguakuéra Ñanderuete róga rembiapópe, David omoĩ haguéicha, oikuave’ẽ hag̃ua vy’a ha puraheipópe Ñanderuetépe g̃uarã kuave’ẽmby ojehapypáva, Moises rembiapoukapykuéra he’i háicha, ha David he’iuka hagueichaite avei.

2 Crónicas 31:3

Ha tetã ruvicha ome’ẽ hymbakuéragui umi kuave’ẽmby ojehapypáva pyhareve ha ka’arukuépe g̃uarã, ha kuave’ẽmby umi pytu’uha árape g̃uarã, ha areteguasu jave g̃uarã, ojehai háicha Ñanderuete rembiapoukapýpe.

Ésdras 3:2

Ha opu’ã Jesúa, Josadac ra’y, ha ityke’yrakuéra, umi pa’i, ha Zorobabel, Sealtiel ra’y, ha ityke’yrakuéra, omopu’ã Israel Jára kuave’ẽmby renda, oikuave’ẽ hag̃ua hi’ári kuave’ẽmby ojehapypáva ojehai háicha Ñanderuete rembiguái Moises kuatiañe’ẽme.

Ésdras 3:3

Ha omohenda hikuái pe kuave’ẽmby renda ipyendakue ári, okyhyje ramo jepe hikuái umi tetãygua pe tetãpy rehe oikóvagui; ha oikuave’ẽ hikuái hi’ári kuave’ẽmby ojehapypáva Ñanderuetépe g̃uarã, pyhareve ha ka’aru.

Nehemías 10:34

Ha roity avei po’a jeporavo araka’etépa pa’ikuéra, Leviguakuéra ha tetãyguakuéra, peteĩteĩ ogueruva’erã pe jepe’a oñekotevẽva Ñanderuete rógape, opaite Judaygua rogaguasu oikuaa hag̃ua pe ára, pe jasy ha pe áño, ijevyha (iturnoha), ogueru hag̃ua pe jepe’a Ñanderuete kuave’ẽmby rendápe g̃uarã, ojehai háicha hembiapoukapýpe.

Salmokuéra 81:3

Turu pembopu joáke jasyra’y ha jasy renyhẽ jave, ñande areteguasuha árape.

Éxodo 23:15

Pemboarete pan ñembovupyre’ỹva. Siéte ára pe’uva’erã pan ñembovupyre’ỹva Che ha’e haguéicha peẽme, abril jasýpe pesẽgui Egíptogui; ha avave noñembojaiva’erã che renondépe po nandi.

Éxodo 29:18

rehapypa hag̃ua pe ovecha ra’yrusu pe kuave’ẽmby renda ári; péva kuave’ẽmby ojehapypáva hyakuã porã hag̃ua pende Ruetépe g̃uarã; ha ko kuave’ẽmby ojehapypáva omboguéta pende Ruete pochy.

Ezequiel 16:19

Ha pe tembi’u Che ame’ẽva’ekue ndéve: Trígo ku’i iporãva, pan, acéite ha eíra, umíva rehe che romongaruva’ekue, ko’ã mba’e porãite nde reikuave’ẽ (jára gua’ukuérape); ko’ã mba’e ojehu pene mbytépe, he’i pende Ruete.

Ezequiel 20:41

Che ahetũ ramo pene kuave’ẽmby hyakuã porãva Che poiporiahuvereko jevýta, ha Che pombyatýta umi tetã Che pomosarambipa haguégui poguenohẽ jevy hag̃ua umi tetã apytégui, ha uperire ae Che pomopotĩ jevýta ambue tetãnguéra resa renondépe.

Ezequiel 45:17

Ha pe Israel retã ruvicha katu oikuave’ẽva’erã kuave’ẽmby ojehapypáva, kuave’ẽmby tembi’u ha vinoguiguáva umi areteguasuha árape, umi jasyra’y jave, umi jepytu’uha árape ha mayma Israel aretekuérape g̃uarã; ha’e omoĩva’erã pe kuave’ẽmby angaipa reheguáva, kuave’ẽmby tembi’u reheguáva, kuave’ẽmby ojehapypáva rehegua ha umi kuave’ẽmby py’aguapy reheguáva. Ombogue hag̃ua hembiapo vai Israel retãgui.

Levítico 1:13

ha ojoheiva’erã ýpe hyekue ha hetymanguéra; pe pa’i oikuave’ẽmbava’erãva omyendýta pe kuave’ẽmby renda ári; kuave’…mby ojehapyvahína péva, peichagua kuave’ẽmby hendýva hyakuã asy pende Ruetépe g̃uarã.

Levítico 1:17

Pe pa’i oipysova’erã ipepokuéragui, nomboja’omo’ãi katu mbyte rupi; upéi ohapýta pe kuave’ẽmby renda ári, kuave’ẽmby ojehapýva ha hendýva hyakuã asy pende Ruetépe g̃uarã.

Levítico 1:9

ha’ekuéra ojoheiva’erã ýpe hyekue ha hetymakuéra, ha pe pa’i ohapypava’erã pe kuave’ẽmby renda ári, kuave’ẽmby ojehapypáva ramo, koichagua kuave’ẽmby hendýva hyakuã asy pende Ruetépe g̃uarã.

Levítico 21:6

Ha’ekuéra heko potĩva’erã pende Ruetépe g̃uarã, ha nomongy’aiva’erã pende Ruete réra, ha’ekuéra oikuave’ẽgui Jahve, Ijárape g̃uarã, pe kuave’ẽmby hendýva ha pe pan reheguáva, upévagui heko potĩva’erã hikuái.

Levítico 21:8

Emomba’eguasu ichupe, oikuave’ẽgui nde Járape g̃uarã pan; Che Jahve, che reko porãgui ha Che pomboheko porã’aína.

Levítico 3:11

Ha pe pa’i omyendyva’erã ko’ã mba’e kuave’ẽmby renda ári; kóva omyatatĩ tembi’u hendýva ramo pende Ruetépe g̃uarã.

Malaquías 1:12

Ha peẽ pemongy’a che kuave’ẽmby renda pejévo: Ñanderuete mesa oñemongy’a (ikuave’ẽmby renda) ha hembi’u ndahi’amo’ãi, ha ndoguerúi mba’evete oréve g̃uarã.

Malaquías 1:7

Peikuave’ẽgui che kuave’ẽmby renda ári tembi’u ipotĩ’ỹva ha upeichavéramo peje: Mba’épepa romongy’a ne kuave’ẽmby renda. Pejapo’i haguére pende Ruete kuave’ẽmby renda.

Números 15:24

upérõ Israel retã oikuave’ẽva’erã peteĩ tóro ra’yrusu kuave’ẽmby ojehapypáva ramo mba’e ryakuã asýva pende Ruetépe, trígo ku’i ha víno reheve ha peteĩ kavara mácho kuave’ẽmby angaipa reheguáva ramo.

Números 15:3

ha upépe peikuaave’ẽva’erã kuave’ẽmby ojehapypáva pende Ruetépe g̃uarã, peikuave’ẽségui térã peprometégui, térã pende areteguasu jave mba’e ryakuã porã pende Ruetépe, upérõ peikuave’ẽ pende tóro, pende ovecha térã kavara reheve;

Números 15:7

Hi’ári 1,2 lítro víno peikuave’ẽva’erã mba’e ryakuã porãva ramo pende Ruetépe g̃uarã.

Números 28:1

Ñanderuete oñe’ẽ Moiséspe, ha he’i:

Números 29:39

Ko’ã mba’e peikuave’ẽta Ñanderuetépe g̃uarã pende areteguasúpe pemomba’eguasu hag̃ua ichupe pene kuave’ẽmbynguéra rupi pendejeheguínte peme’ẽséva, pene kuave’ẽmby ojehapypáva, pene kuave’ẽmby tembi’u ha víno reheguáva, ha pene kuave’ẽmby py’aguapy reheguáva reheve.

Números 9:13

Ha pe tapicha ipotĩva ha ndohoiva’ekue mombyry, ha nomboareteiva’ekue pe páscua, upe tapicha ojejukava’erã hetãyguakuéra apytégui; noikuave’ẽigui hi’árape pende Ruete kuave’ẽmby, upe kuimba’e upéva oguerahava’erã hi’angaipa ijehe voi.

Números 9:7

ha he’i hikuái Moises ha Aarónpe: Ore roñemongy’a ropoko haguére te’õngue rehe. Mba’érehe piko ndaikatumo’ãi ore roikuave’ẽ avei kuave’ẽmby Ñanderuetépe, Israel ñemoñarenguéra apytépe hi’araitépe.

2 Corintoyguakuérape 2:15

Ñande ningo Hesu Crísto mba’e ryakuã porã ñande Ruetépe g̃uarã, umi ojesalváva ha avei umi oñehundívape g̃uarã.

Efesoyguakuérape 5:2

Ha peiko mborayhúpe, Hesu Crísto ñanderayhu haguéicha ha upévare Ha’e oñeme’ẽma ñane rendaguépe peteĩ me’ẽmby ha kuave’ẽmby ramo hyakuã porãva Ñanderuetépe g̃uarã.

Filipoyguakuérape 4:18

Oñeme’ẽmbáma chéve peẽ peguerukava’ekue Epafrodíto rupi, arekóma hetave aikotevẽgui, hemby porã chéve opaite mba’e. Pene rembiapo porã peteĩ kuave’ẽmby hyakuã porãva Ñanderuetépe g̃uarã ha ombovy’áva ichupe.