Números 27:3

Ñanderuete Ñe’ẽ Porã 2015

Ore ru omanóma desiértope, ha’e noñemoĩriva’ekue katu Core ha iñirũnguéra ndive Ñanderuete rehe, ha’e omano hi’angaipa rehénte, ha’e ndaita’ýrai.

Referencias Cruzadas

Ezequiel 18:4

Peikuaa porãke, mayma yvyarigua ánga che mba’e voi; pe túva ánga che mba’e háicha, peichaite ita’ýra ánga che mba’e avei; upe ánga oñemohembiapo vaívante omanova’erã.

Números 14:35

Che Jahve, pende Ruete, ame’ẽma che ñe’ẽ ha péicha ajapotaha ko tetã ñaña rehe oñemoĩ haguére cherehe; ko desiértope omanombáta ha ikusuguepáta.

Números 16:19

Ha ambue pyhareve Core ombyatyuka opaite Israelguakuérape pe óga jojohuha renondépe; upevove Ñanderuete reko jajaipa ojehechauka mayma ijatývape.

Números 16:49

Umi omanómava’ekue oĩkuri 14.700, ojepapa’ỹre umi omanomava’ekue Core ha iñirũnguéra ndive.

Números 26:33

Ha Zelofehad, Héfer ra’y ndaita’ýrai, itajyrakuéramante; ha umi Zelofehad rajykuéra réra: Maala, Noa, Hogla, Mílca ha Tirsa.

Números 27:2

ha ãva ou oñemboja Moises ha pa’i Eleazar renondépe, ha opaite mburuvichakuéra ha opaite atyguasu renondépe, pe óga jojohuha rokẽme, ha he’i hikuái:

Números 27:4

Mba’érepa ojepe’áta ore ru réra Manáses tríbugui, ndaita’ýrai haguére. Peme’ẽna oréve ore yvy loterã ore ru pehẽnguekuéra apytépe.

Juan 8:21

Ko’ã mba’e rire Hesu he’i jevy ichupekuéra: Che ningo aháta, ha peẽ cherekáta, ha pemanóta pende reko vaípe ha pene angaipápe. Che ahatahápe, peẽ ndaikatumo’ãi peho.

Juan 8:24

Upévarehe Che ha’éma peẽme pemanotaha pene angaipápe, peguerovia’ỹ ramo Che ha’eha (pe Crísto), upéicharamo katuete pemanova’erã.

Romayguakuérape 5:12

Peteĩ kuimba’e, Adan rupi oike pe angaipa opavave rekovépe, ha pe angaipa rupi opavavete omanova’erã katuete avei, opavavete oñemboheko vai haguére avei.

Romayguakuérape 5:21

Ha pe angaipa ombopoguy haguéicha tetãyguakuéra rekove, oguerúvo ichupekuéra pe ñemano, péicha ko’ág̃a Ñanderuete mborayhu ombopoguy pe ñemano pu’aka omboheko potĩ hag̃ua, ha ome’ẽ ñandéve jeikove tapia g̃uarãva, Ñandejára Hesu Crísto rupi.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.