Números 26:10

Ñanderuete Ñe’ẽ Porã 2015

Pe yvy ojejurupe’a ha omokõmba ichupekuéra, upéicha ha’ekuéra omanomba. Pe tata ombokusugue avei umi 250 kuimba’épe, ko’ã mba’e ojehu omomarandu hag̃ua ambuekuérape.

Referencias Cruzadas

Éxodo 16:35

Péicha Israel ñemoñarenguéra ho’u mana 40áño pukukue, og̃uahẽ meve pe yvy ojeiko hag̃uáme; mana ho’u hikuái og̃uahẽ meve Canaan retã rembe’ýpe.

Jeremías 29:22

Ha mayma umi Judaygua ojeguerahava’ekue Babilóniape oguerekóta ichupekuéra maldicion ramo, he’ívo: Ñanderuete tande’apo ku Sedequías ha Acábicha, Babilónia retã ruvicha ohesyva’ekue ichupekuéra tatápe.

Ezequiel 14:8

Ha amoĩta che rova upe kuimba’e upévarehe, Che amoĩta ichupe techaukaha ha jehavira ramo, ha ahundíta ichupe che retã apytégui, peikuaa hag̃ua Che ha’eha pende Ruete.

Números 16:2

ha oñembo’y hikuái Moises renondépe ha Coat ndive oĩ 250 kuimba’e: Israel aty ruvichakuéra, mburuvichakuéra ha kuimba’e herakuã porãva,

Números 16:38

Imyatatĩha rupi ijarakuéra oñemoangaipava’ekue; ko’ág̃a peinupã umía martíllope ha pemopererĩ, pemo’ã hag̃ua pe kuave’ẽmby renda tápia; oikuave’ẽgui hikuái ipype ha oñemboykemava’ekuégui Ñanderuetépe g̃uarã, ha oikóta mandu’aha ramo Israel ñemoñarenguérape g̃uarã.

Números 17:3

Levi yvyra po’i rehe katu rehaiva’erã Aaron réra, péicha oĩva’erã 12 yvyra po’i, opaite tríbugui peteĩ yvyra po’i.

Números 27:3

Ore ru omanóma desiértope, ha’e noñemoĩriva’ekue katu Core ha iñirũnguéra ndive Ñanderuete rehe, ha’e omano hi’angaipa rehénte, ha’e ndaita’ýrai.

Deuteronómio 11:6

Penemomandu’a Datan ha Abiram rehe, Eliab ra’ykuéra, Ruben ra’yre rehe; mba’eichaitépa pe yvy ojejurupe’ákuri omokõ hag̃ua ichupekuéra, hogayguakuéra, hogakuéra ha mayma hymbakuéra reheve, Israelguakuéra renondépe.

Deuteronómio 28:46

Ha ã mba’e oikóta techaukapy ramo (señal ramo) peẽme ha opaite pene ñemoñarenguérape g̃uarã,

2 Pédro 2:6

Ñanderuete ombokusuguepava’ekue avei umi táva Sodóma ha Gomórra; péva opyta techaukaha ramo oavisa hag̃ua umi tekove vaívape opoi hag̃ua hembiapo vaígui;

Júdas 1:7

upéicha avei Sodóma, Gomórra ha umi táva oĩva ijerekuévo ho’a teko ky’a vaietépe umi angelkuéraicha, ko’ã angelkuéra omboyke Ñanderuete rembipota, oiko hag̃ua avei tete iñambuéva rapykuéri, ko’ã mba’e ojehechauka ñandéve ñanembo’e hag̃ua, upévagui Ñanderuete oity ichupekuéra pe tataguasu tapia g̃uarãvape.

1 Samuel 2:34

Ko’ã mba’e ojehúta umi nde ra’y, Ofni ha Fineéspe, peteĩ techauka ramo ndéve g̃uarã: Mokõivéva omanóta peteĩ árape.