Números 24:8

Ñanderuete Ñe’ẽ Porã 2015

Ñanderuete oguenohẽ ichupe Egíptogui; Ha’e imbarete tóro hesaitéicha, Ha’e omokõva’erã tetãnguéra oñemoĩvape hese, Ha’e omongu’ipava’erã ikanguekuéra, Ha’e ohundiva’erã ihu’ykuérape.

Referencias Cruzadas

Salmokuéra 2:9

Nde yvyra po’i hiérro peguápe rejokáta ichupekuéra, ku mba’yru ñay’ũguigua ojejoka háicha, upéicha remongu’ipáta ichupekuéra.

Salmokuéra 21:12

Nde voi remuñáta ichupekuéra, ha okañýta ndehegui, nde katu reipysóta nde guyrapa repoi hag̃ua nde hu’y hovakuéra rehe.

Salmokuéra 45:5

Nde hu’ykuéra hakua porã, umía rupi tetãnguéra ho’áta nde poguýpe, umía oikepava’erã nderayhu’ỹva py’ápe.

Salmokuéra 45:6

Ñanderuete tome’ẽ ndéve nde guapyhaguasu opaite árape, ne mburuvicha yvyra’i reheve reisãmbyhy porã hag̃ua ne retãme, justícia reheve.

Éxodo 23:22

Ha añetehápe rehendu ramo iñe’ẽ ha rejapo ramo opaite mba’e Che ha’éva guive ndéve, Che voi apu’ãta nderehe ija’e’ỹva rehe, ha amyangekõita umi ndéve nemyangekõivape.

Isaías 38:13

Mba’asýpe che ko’ẽ. Ha’e omongu’i che kanguekuéra ku leõicha ha péva chembohasa asy ára ha pyharépe.

Jeremías 50:17

Israel ojogua ovecha aty okañývape ha peteĩ leõ omuñávape ichupe; Asíria retã ruvicha omokõ raẽ Israélpe ha ág̃a ipahápe Nabucodonosor, Babilónia retã ruvicha oñapi’ũ ikanguekuéra.

Jeremías 50:9

Pema’ẽ porãke, Che voi amopu’ãta ha aguerúta Babilónia retãme ambue tetãnguéra aty ndetuicháva oúva yvatéguio; ha upe guive ha’ekuéra oñembosako’íta ojeity hag̃ua hi’arikuéra, ha ojapyhypáta iguyrapa opoi hag̃ua ihu’y ojapi porãtava.

Daniel 6:24

Upéramo tetã ruvicha ogueruka umi kuimba’e omoĩ vaiva’ekue Daniélpe oitypa hag̃ua leõ kuárape, ita’yrakuéra ha hembirekokuéra jepe. Ha og̃uahẽ porã mboyve pe yvykua ruguápe, umi leõ ipojáima hesekuéra ha oipehẽ’ãmba ichupekuéra.

Números 14:9

upévagui ani peñemoĩ Ñanderuete rehe, ha ani pekyhyjétei hetãyguakuéragui, ñande ñamokõta ichupekuéra pan peh…nguéicha; ipytyvõhára ojeíma ichuguikuéra, ha ñanendive oĩ Ñanderuete, upévare ani pekyhyje ichupekuéra.

Números 21:5

Ha oñe’ẽvai hikuái Ñanderuete ha Moises rehe: Ma’erãiko oreguenohẽra’e Egíptogui romanomba hag̃ua ko desiértope, ko’ápe ndaipóri pan ni y, ha ore ánga ombyajúma ko mana vevuietégui.

Números 23:22

Jahve oguenohẽ ichupekuéra Egíptogui; Ha’e imbarete tóro saitéicha.

Números 23:24

Eikuaa porãke, pe tetã opu’ãta leõkuñáicha, ha pe leõ oñakãrapu’ã yvatéta; ha ndopytu’umo’ãi omokõ meve ijapyhypyre, ha hoy’u peve ijapyhypyre ruguykue.

Matéo 2:15

Ha upépe opyta hikuái Heródes omano meve, oiko hag̃ua Ñanderuete he’iukava’ekue iproféta rupi: Egíptogui ahenóita che Ra’ýpe, (Oséas 11,1).

Deuteronómio 32:23

Che ambojo’a jo’áta mba’evai hi’arikuéra; che hu’ykuéra apoíta hesekuéra.

Deuteronómio 32:42

Che hu’ykuéra amonga’úta tuguýpe, ha che kyse puku hyg̃uatãta ho’okuerakuégui, umi omanova’ekue ha jepokuapyre ruguýgui, umi cherehe ija’e’ỹva ruvicha akãgui.

Deuteronómio 7:1

Ág̃a Ñanderuete penemoingévo pe yvy peiketahápe, Ha’e omoĩta pende poguýpe ha omosẽta pene renonderãgui heta tetãnguérape: Hetgua, Gergesgua, Amorgua, Canaangua, Feresgua, Hevgua ha Jebusguakuérape, 7 tetã tuicha ha imbaretevéva pendehegui.

Josué 2:10

Rohendúma pende Jára omokã hague Yguasu Pytã (Mar Rójo) pene renonderãme, pesẽ ramoguare Egíptogui, ha umi mba’e pejapova’ekue mokõi Amor retã ruvicha rehe, oikova’ekue Jordan mboypýri, pehundívo Sehon ha Ógpe.