Números 24:7

Ñanderuete Ñe’ẽ Porã 2015

Ikambuchi rembe’ýgui oñehẽta yeta, ikokuépe oky porãta, hetã ruvichaguasu ituichavéta Agággui, ha hetã oñemopu’ã ohóvo.

Referencias Cruzadas

2 Samuel 5:12

Ha David ohechakuaa Ñanderuete omoĩ hatãmaha ichupe Israel retã ruvicha guapyhápe ha ombotuichamaha ichupe hetã Israel rehehápe.

1 Réyes 4:21

Ha opaite tetãnguéra ysyry Éufrates guive Filisteaygua retã ha Egípto rembe’y peve, ogueru impuésto Salomónpe, ha ha’e oikove aja pukukue oiko hikuái hembiguáirõ.

1 Réyes 5:1

Hiram, Tíro retã ruvicha, ohendúvo ojeporavo hague Salomónpe, Israel retã ruvicha ramo, itúva rendaguépe, ombou avei hembiguaikuérape hendápe, Hiram ohayhuva’ekuégui itúva Davídpe.

1 Crónicas 14:2

Ha David ohechakuaa Ñanderuete omoingo hague ichupe Israel retã ruvicha ramo ha ombotuichaseha Israel retã rerakuã porã.

Ésdras 4:20

ha oĩ hague avei Jerusalénpe tetã ruvicha imbaretéva ha oguerekova’ekue ipoguýpe umi yvy Éufrates ysyry mboypýri oĩva guive, ha oñeme’ẽva ichupekuéra impuésto.

Ester 3:1

Ko’ã mba’e rire tetã ruvicha Asuéro ombotuicha Aman, Hamedata ra’ýpe, ha’e ningo peteĩ Agaggua, ha omomba’eguasu ichupe ha omoĩ ichupe opaite ambue mburuvichakuéra hendive oĩva ári.

Salmokuéra 18:43

Ore Ruete, Nde cheguenohẽma pe ñorãirõguasu che retã meguágui, tetãnguéra che ndaikuaaiva’ekue ko’ág̃a omba’apo chéve g̃uarã che rembiguái ramo.

Salmokuéra 68:26

Peẽ peñembyatýva, pepurahéi Ñanderuetépe, peẽ Israelgua pemomba’eguasu Ñanderuetépe.

Salmokuéra 72:11

Opaite tetã ruvichakuéra toñesũ henondépe, mayma tetã toiko hembiguái ramo.

Salmokuéra 89:27

Che amoĩta ichupe ta’ýra ypykue ramo, ha ha’e oikóta mburuvichaguasuete ramo umi tetã ruvichakuéra apytépe.

Isaías 2:2

Ojehuva’erã umi ára pahávo, pe cérro, Ñanderuete rogaguasu oĩháme, omoakãta ambue cerrokuéra, ha opaite tetãnguéra ou joava’erã hendápe.

Isaías 30:25

Ha og̃uahẽvo pe jejukaguasu ára ho’áta umi óga yvate ha oĩta y osyrýva mayma cérro yvate ha yvy pu’ã ru’ã guive peve.

Isaías 48:1

Pehendu ko’ã mba’e Jacóbo róga, hérava avei Israel, pesẽva’ekue Juda y hetágui, peẽ peme’ẽva pene ñe’ẽ Ñanderuete rérape, ha peñemomandu’áva Israel Jára rehe, ndaha’éi ramojepe añetehápe ni hekoitépe.

Isaías 9:7

Hetã pu’aka ituichaiterei ha ipy’aguapy ndaijapyramo’ãi, Ha’e oguapýta David guapyhaguasu ári ha Ha’e oisãmbyhýta hetãme, oguenohẽvo oimeraẽvape tape porãme ha ombojovakéta hekoitépe, upe ára upéva guive opaite ára peve g̃uarã, yvága atykuéra Jára, ojapopáta ko’ã mba’e.

Jeremías 51:13

Nde Babilónia, reikóva yeta pa’ũme, rembyaty ramojepe hetaiterei mba’erepy, og̃uahẽta katuete avei nde ára paha.

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Números 24:20

Ha Balaam ohechávo Amalecguakuérape, ojapyhy iñe’ẽ ñembojoja ha he’i: Amalec oñepyrũ oñemoĩ hag̃ua Israel rehe; ha ipahápe oñehundipáta opa peve.

Juan 1:49

Upéramo Natanael he’i Hesúpe: Mbo’ehára, Nde ningo Ñanderuete Ra’y, Nde ningo Israel retã ruvichaguasu voi.

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 17:1

Ha peteĩ umi 7 yvága rembiguái oguerekóva umi 7 ña’ẽmbe ou che rendápe ha he’i: Eju, ahechaukáta ndéve pe kuña reko vai oñembojovakétavape, oisãmbyhýva iguapyhaguasúgui, oñemohendáva yeta rembe’ýpe,

Apocalípsis 17:15

Ha pe yvága rembiguái he’ive chéve: Pe yeta nde rehecháva, pe kuña reko vai oguapyhápe, umía ningo heta tetãyguakuéra ha tribukuéra, ñe’ẽnguéra ha tetãnguéra.

Apocalípsis 19:16

Ha ipóncho ha iku’a jokuahápe ojehai héra: Mburuvichakuéra Ruvicha ha karaiguasukuéra Jára.