Números 24:6

Ñanderuete Ñe’ẽ Porã 2015

ku yakãicha iñasãimba, ku ñemitỹ ysyry rembe’y peguáicha okakuaa, ku aloe yvyráicha Ñanderuete oñotỹva’ekue, ku cédro oĩva yeta rembe’ýpe.

Referencias Cruzadas

Genesis 13:10

Ha Lot ojesaporavo hag̃ua oma’ẽ pe Jordan ñu tuichakuére ha hi’y porã heta rehe, ojogua Ñanderuete yvatýpe térã Egípto retãme, Zoar peve, Ñanderuete ohundi mboyve Sodóma ha Gomórrape.

Salmokuéra 1:3

Ha’ete ku yvyra oñeñotỹva’ekue ysyry rembe’ýpe, ha’e hi’a hi’araitépe ha ndahogue kúiriva, ha opaite mba’e ojapóva guive osẽ porãmba ichupe.

Salmokuéra 104:16

Ñanderuete yvyrakuéra hoy’u henyhẽmba peve, umi cédro Líbano pegua Ha’e oñotỹva’ekue avei.

Salmokuéra 45:8

Mírra, áloe ha cásia (plantakuéra) reheve omohyakuã porã nde aokuéra. Nde rogaguasúgui, oñembojegua elefánte ratĩnguegui, ha oñehendu árpa pu porã.

Cantar de los cantáres 6:11

Kuñataĩ oñe’ẽ: Yvyratýpe aháma ñu rupigua yva rekávo, ha ahecha ipotypamaha umi parral ha umi granáda.

Isaías 41:19

Desiértope amoheñóita heta yvyra: Cédro, acácia, arrayan ha olívo; umi yvy inandiha rupi amoĩta yvyra oñondivepa: cipres, píno ha boje.

Isaías 58:11

ha pende Ruete pomboguatáta opaite árape ha penemohyg̃uatã porãta pende yvy ikangy ramojepe ha Ha’e omombaretéta pende rete ha pejoguaitéta ku ka’avoty oñembohykuévape meme árape, ha yvu hi’y hetávape, ndahypáiva araka’eve.

Jeremías 17:18

Toñemotĩ umi chemuña muñáva, ha anítei che añemotĩ; ha’ekuéra toñemondýi, ha ani chepy’andýi; egueru hi’arikuéra mba’evai, eipy’apy jo’a jo’a ichupekuéra.

Jeremías 31:12

Ha ou joáta hikuái vy’a ha sapukaipópe Sion cérrope, ha oñani joáta hikuái oñembopy’arorývo pende Ruete jehovasa porãite reheve, pan, víno, acéite, hymba ovecha ha vakakuéra reheve; ha hi’ánga ojoguáta ka’avotýpe oñemohe’õ porãvape ysyry rembe’ýpe, ha araka’evéma naimba’embyasyveiva’erã hikuái.

Ezequiel 47:12

Ha mokõive ysyry rembe’ýre okakuaáta opaichagua yvyra hi’áva; araka’eve ndahoguekuimo’ãi, hi’a ndopamo’ãi, opaite jasy hi’aju pyahúta, hi’y osẽgui Ñanderuete rogagasúgui; hi’akue ojeporúta tembi’u ramo ha hoguekue ojeporúta pohã ramo.

Joel 3:18

Ha umi ára umívape umi cérro omondykyva’erã parral rykue, ha umi cérro ykégui osyryva’erã kamby, ha opaite Juda pegua yakãnguéra (arróyo) osyry porãva’erã; ha osẽta peteĩ yvu pende Ruete rogaguasúgui, ha ombohykuéta pe ñu Sitim pegua.

Números 24:5

iporãite ningo nde róga pirekueguiguáva, Jacóbo, ha nde rekoha, Israel,