Números 22:9

Ñanderuete Ñe’ẽ Porã 2015

Ha Ñanderuete oñe’ẽ Balaámpe ha he’i ichupe: Mba’e apoha piko ko’ã kuimba’e nendive oĩva.

Referencias Cruzadas

Genesis 16:8

Ha Ñanderuete yvága rembiguái he’i ichupe: Agar, Sarái rembiguái, mamóguipa reju ha moõpa reho. Ha ha’e he’i: Akañy che jára Saráigui.

Genesis 20:3

Ha Ñanderuete ou Abimelec rendápe pe pyharépe ha’e oke aja, ha he’i ichupe iképe: Eikuaa porãke, remanotaha nde, regueru haguére peteĩ kuña omendávape ha iménava avei.

Genesis 31:24

Ha pe pyharépe Ñanderuete og̃uahẽ Laban rendápe ha he’i ichupe iképe: Eñangarekóke ani hag̃ua reñe’ẽ pohýi Jacóbope.

Genesis 4:9

Ha Ñanderuete he’i Caínpe: Mamo piko oime nde ryvy Abel. Ha ha’e ombohovái ichupe: Ndaikuaái. Chéiko che ryvy rerekua mba’e.

Genesis 41:25

Upémaramo Jose he’i faraónpe: Ne mokõi ke peguare rupi Ñanderuete ohechaukase faraónpe umi mba’e Ha’e ojapótava.

Éxodo 4:2

Ha Ñanderuete he’i: Mba’épa oĩ nde pópe. Ha ha’e he’i ichupe: Peteĩ yvyra’i.

Daniel 2:45

Kóva ningo pe itaguasu rehechava’ekue ojepoi hague cérrogui, ndaipóri ramojepe kuimba’e opokova’ekue hese, ha omongu’ipa pe hiérro, pe brónce, pe ñay’ũ jypyre, pe pláta ha pe óro. Ñanderuete, pe Ipu’akapáva, ohechaukáma che retã ruvichápe umi mba’e ojehútava henonderãme; nde ke peguare katuete oikóta ha oñemoañetéta opaite mba’e Ha’e he’iva’ekue guive ndéve.

Números 22:10

Ha Balaam he’i Ñanderuetépe: Balac, Zipor ra’y, Moab retã ruvicha ombou umíape he’iuka hag̃ua chéve:

Números 22:20

Ha Ñanderuete ou Balaam rendápe pe pyharépe, ha he’i ichupe: Ko’ã kuimba’e oúgui nerenói hag̃ua, epu’ã ha tereho hendivekuéra; ejapo katu Che ha’éva guive ndéve.

Números 22:8

Ha Balaam he’i ichupekuéra: Pepytu’u ko’ápe ko pyhare pukukue, ha che ambohováita ko’ẽrõ pene ñe’ẽ, Ñanderuete oñe’ẽse háicha chéve. Péicha umi Moabgua ancianokuéra opyta Balaam rendápe.

Matéo 24:24

Ouva’erã ningo heta Crísto gua’u, ha proféta gua’u ojapóva techaukaha ha tembiapo techapyrãva oporombotavy hag̃ua ha ikatu ramo umi ojeporavopyrévape jepe.

Matéo 7:22

Upe ára upévape heta he’íta chéve: Che Jára, che Jára, ore piko ndoroprofetizáira’e nde rérape, noromosẽi piko ra’e heta mba’epochýpe, ha nde rérape ndorojapói piko ra’e heta milágro.

Juan 11:51

Ko ñe’ẽ kóva Caifas nde’íri ijehegui rei, ha’e he’i ko’ã ñe’ẽ oikoháre pa’iguasu ramo pe áñope, ha oprofetiza Hesu omanova’erãha pe tetã rehe,