Números 22:3

Ñanderuete Ñe’ẽ Porã 2015

Ha Moabguakuéra okyhyjeiterei Israélgui, hetaitereígui hikuái; ha Moab ojepy’apy Israel ñemoñarenguéragui.

Referencias Cruzadas

Nehemías 13:2

Nosẽi haguére hikuái oipytyvõ Israel ra’ykuérape pan ha y reheve; ha ome’ẽ haguére hikuái pirapire Balaámpe omaldeci hag̃ua ichupekuéra; Ñanderuete katu omyengoviava’ekue pe maldicion jehovasápe.

Salmokuéra 53:5

Upérõ oryryipa kyhyjégui, ndaipóri ramojepe mba’eve okyhyje hag̃ua, Ñanderuete omosarambipágui umi omongorava’ekue retekue, Nde remotĩ ichupekuéra, ha’ekuéra omboyke haguére yvága Járape.

Éxodo 1:12

Ha ojopyvéma ramo hendivekuéra, ko’ýte oñemoña ha oñembohetave ohóvo, ha umi Egiptoygua okyhyje Israel ñemoñarenguéragui.

Éxodo 15:15

Edom ruvicha iñangekõiva’erã; Moab ipy’aguasúva oryryipava’erã; mayma Canaangua okyhyjeva’erã.

Éxodo 23:27

Che amondóta kyhyje ne renonderãme, amongyhyjéta opaite tetãyguakuéra mamo nde reikehápe ha nderehe ija’e’ỹva okañymbáta hikuái.

Isaías 23:5

Umi Egiptoygua ohendu vove, umi mba’e ojehúva Tírope, oryryipáta.

Deuteronómio 2:25

Ko árape añepyrũta amongyhyje ha amondýita pendehegui mayma tetãyguakuéra oĩva guive ára guýpe, ohendúvo hikuái pene rerakuãguasu, oryrýi ha ipy’atarováta pene renondépe.

Josué 2:24

Ha he’i hikuái Josuépe: Ñanderuete omoĩmbáma pe yvy ñande pópe; ha mayma hetãygua ipy’a kangýma ñane renondépe.

Josué 9:24

Ha’ekuéra oñe’ẽ jevy Josuépe ha he’i: Ne rembiguaikuéra oikuaa voi pende Ruete, pende Jára he’i hague hembiguái Moiséspe ome’ẽtaha peẽme opaite ko’ã yvy, ha ohundipava’erãha opaite tetãyguakuéra oikóva guive ipype, ko’ã mba’égui ore rokyhyjeiterei ha upévagui rojapo ko’ã mba’e.