Números 22:12

Ñanderuete Ñe’ẽ Porã 2015

Upéramo Ñanderuete he’i Balaámpe: Ani rehótei hendivekuéra, ha ani remaldeci pe tetã pévape Che voi aiporavóma ichupekuéra (oiko hag̃ua che retã ramo).

Referencias Cruzadas

Genesis 12:2

Ha ajapóta ndehegui peteĩ tetã ndetuicháva. Che rohovasáta ha ambotuicháta nde réra, ha aipota nde reiko jehovasapyrã ramo ambuekuérape g̃uarã.

2 Crónicas 31:10

Ha pa’iguasu Azarías, Sadoc róga rehegua, he’i ichupe: Oñepyrũha ára guive ogueru hikuái ime’ẽmby kuave’ẽmby ramo Ñanderuete rógape, ha umi mba’égui ore rokaru ha oreryg̃uatã porã, ha hemby gueteri oréve heta iterei, Ñanderuete ohovaságui hetãme, péicha rupi hemby hetaiterei hi’upyrã.

Salmokuéra 144:15

Ovy’aite pe tetã oikóva Ñanderuete poguýpe ha Ha’e oikórõ Ijaratee ramo.

Salmokuéra 146:5

Ovy’aite upe oguerekóva Jacóbo Jára ipytyvõhára ramo, ha upe ojeroviáva Ñanderuete rehe Ijaratee ramo.

Isaías 61:9

Ita’ýra ñemoñarenguéra ojekuaáta hetãyguakuéra apytépe, oimeraẽva ohecháva guive ichupekuéra ohechakuaáta Ñanderuete ohovasa hague ichupekuéra.

Miquéas 6:5

Nde, che retã, nemandu’áke mba’épa Balac, Moab retã ruvicha, ojaposeva’ekue penderehe ha mba’épa Balaam, Beor ra’y, ombohovái ichupe, ha mba’épa ojehu pe tapére Sitim guive Gilgal peve, peikuaa porã hag̃ua Ha’e penepytyvõ porã hague, (Números 25,1; Josue 4,19-20).

Números 22:11

Eikuaa porãke: Ko tetã osẽva’ekue Egíptogui oñu’ãmbamaha ko yvy ape; eju ko’ág̃a ha emaldeci ichupekuéra, upéicharamo ikatu ajeity hi’ári ha amosẽ ichupekuéra.

Números 22:13

Upérõ Balaam opu’ã pyhareve ha he’i Balac remimondokuérape: Tapeho jevy pene retãme, Ñanderuete ndoipotái aha penendive.

Números 22:6

Eju ko’ág̃a, ajerure ndéve, emaldeci hag̃ua chéve ko tetã kóvape, imbaretevégui chehegui; ikatu hag̃ua ambopoguy ha amosẽ ichupe che retãgui; che aikuaa porã upe nde rehovasáva ohupity jehovasa, ha upe nde remaldecíva oñehunditaha.

Números 23:23

Jacóbo rehe ndojamo’ãi paje ni maldicion, Israelguakuéra ombotuichágui Jahve rembiapo, Ha’e ojapóva ijapytépe.

Números 23:3

Ha Balaam he’i Balácpe: Eñembo’y ne kuave’ẽmby renda ypýpe, ha che añemboykéta, Ñanderuete ikatu ou cheruvaitĩ hag̃ua ha oimeraẽ mba’e Ha’e ohechaukáva chéve, che amombe’u jevýta ndéve. Ha oho peteĩ cérro perõme.

Números 23:8

Mba’éicha piko ikatu che amaldeci pe tetãme, Ñanderuete ohovasámava’ekue. Ha mba’éicha piko che añe’ẽvaíta Ñanderuete noñe’ẽvaíri ramo.

Números 24:9

Israel oñeno ku leõicha, opytu’u ku leõ kuñáicha, mávapa ikatu omombáy ichupe. Tojehovasa umi ohovasáva ichupe, ha toñemaldeci umi omaldecíva ichupe.

Matéo 27:19

Ha Piláto oguapy aja hína pe oporombojovakeha guapyhápe, hembireko he’iuka ichupe: Aníke rejapo mba’eve ivaíva ko heko potĩva rehe, hesehápe ningo ahasa asýkuri ange pyhare.

Romayguakuérape 11:29

Araka’eve Ñanderuete ndopoimo’ãi hetã Israélgui, ni ndoipe’a jevymo’ãi iporiahuvereko me’ẽmby ome’ẽmava’ekue Israélpe.

Efesoyguakuérape 1:3

Toñemomba’eguasu Ñanderuete ha Ñandejára Hesu Crísto Rúpe, Ha’e ome’ẽ haguére ñandéve opaichagua yvága pegua jopói (jehovasa Pytu Porãmbáva rehegua) Hesu Crísto rupi.

Deuteronómio 2:7

Jahve, pende Ruete, penderovaságui opaite pene rembiapópe; Ha’e oikuaa porã opaite mba’e peẽ peikotevẽtava desiértope; ko’ã 40 áño pukukue Ñanderuete oikóma penendive, ha mba’eve ndofaltái peẽme.

Deuteronómio 23:5

Ñanderuete, pende Jára, nohenduséi Balaam ñe’ẽvai; Ñanderuete, Ñandejára, penderayhúgui, omoambue iñe’ẽ ha penemoingo porã (penderovasa).

Deuteronómio 28:6

Ha’e nemoirũta nde guata ñepyrũ guive opa peve.

Deuteronómio 33:29

Evy’a nde Israel, mávapa ndeichagua, nde ningo peteĩ tetã Ñanderuete osalvava’ekue, Ha’e ne mo’ãha, Ha’e nde kyse puku ombopu’akapáva. Upéicha nderehe ija’e’ỹva oñemomirĩmbáta, nde katu repyrũta icérro rehe.

Deuteronómio 7:14

Ha’e penderovasavéta peẽme mayma ambue tetãnguéragui, ndoikomo’ãi pende apytépe kuimba’e ita’yra’ỹva ha kuña ndaikatúiva imemby, ha upéicha ojehúta avei pene rymbakuéra apytépe.