Números 19:9

Ñanderuete Ñe’ẽ Porã 2015

Upéi peteĩ kuimba’e ipotĩva ombyatyva’erã pe vaka tanimbukue ha oguerahava’erã yvy pehẽngue ipotĩháme, mombyrymi pende rekohágui, Israel ñemoñarenguéra oiporu hag̃ua ojejapo ramo pe y oñemopotĩ hag̃ua; ojeporúva oipe’a hag̃ua kuimba’e ha kuña rembiapo vai pe kuave’ẽmby angaipa reheguáva rehe.

Referencias Cruzadas

Levítico 15:20

Opaite mba’e ha’e oñeno térã oguapy haguépe, ikuña mba’asy aja, opyta iky’áva ramo.

Zacarías 13:1

Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.

Números 19:13

Umi ojáva tapicha re’õngue rehe, ha noñemopotĩri ramo ko y kóvape, ha’e oñemongy’a ha omongy’a avei pende Ruete róga jojohuha ha pe tapicha péva ojejukava’erã Israel apytégui; ndojehypýi haguére hi’ári pe y oporomopotĩva.

Números 19:17

Pemopotĩ jevyva’erã péicha upe oñemongy’amava’ekuépe, pegueruva’erã pe tanimbu pe vaka ojehapyva’ekuégui ha hi’ári peñohẽ y yvu peguare ha pembojehe’a porã,

Números 19:18

upéi peteĩ kuimba’e ipotĩva ogueruva’erã pe mba’e rypyiha, ha ombohykueva’erã ýpe, ha ohypyiva’erã ipype pe óga ha pe koty rembiporu rehe, umi tapichakuéra upépe oĩva guive ári, ha pe opokova’ekue pe kanguekue rehe, térã pe ojejukava’ekue rehe, térã pe omanomava’ekue rehe, térã pe tenda oñeñotỹva’ekue rehe.

Números 19:3

Ha reme’ẽta pa’i Eleazárpe, ha’e oguenohẽ hag̃ua pende rekoha oka gotýo oajúra kytĩuka hag̃ua hovaképe.

Números 19:8

Péicha avei pe kuimba’e ohapyva’ekue pe vaka, ojoheiva’erã ijao ha ojahuva’erã, ha naipotĩri ka’arupytũ meve.

Números 6:12

Oñemboyke jevy hag̃ua Nazaréo ramo pende Ruetépe g̃uarã togueru peteĩ ovecha ra’yrusu, oguerekóva peteĩ áño, angaipa reheguáva ramo hembiapo vai rehe; umi ára oñemonazareova’ekue opyta rei, omongy’águi inazaréo reko, ndojehechakuaáigui umi ára ohasamava’ekue, ha oñepyrũ jevyva’erã.

Números 8:7

Péicha remopotĩta ichupekuéra: Ehypýi hi’arikuéra y pe kuave’ẽmby angaipa reheguágui, ha eikytĩmba hete rague kyse hãimbévape, ha ojoheiva’erã hikuái ijaokuéra, pévare ipotĩta hikuái.

Números 9:13

Ha pe tapicha ipotĩva ha ndohoiva’ekue mombyry, ha nomboareteiva’ekue pe páscua, upe tapicha ojejukava’erã hetãyguakuéra apytégui; noikuave’ẽigui hi’árape pende Ruete kuave’ẽmby, upe kuimba’e upéva oguerahava’erã hi’angaipa ijehe voi.

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

2 Corintoyguakuérape 7:1

Upévare che rayhupára, jaguerekógui koichagua promésa ñañemopotĩ opaichagua mba’evaígui omongy’áva ñande ro’o (rete) ha ñande pytu porã, ñañemboheko potĩve jahávo uvei Ñanderuetégui kyhyjepópe.

hebreoyguakuerape 7:26

Peichagua pa’iguasu ñaikotevẽ. Hesu Crísto ningo, heko porã, ipy’aporã, oñemomombyry angaipavóra rembiapo vaígui ha upévare oñemboyvateve ichupe yvagakuéragui.

hebreoyguakuerape 9:13

Umi kavara ha tóro ruguykue ha pe vaka pyahu tanimbukue ojehypyiva’ekue umi oñemongy’áva rehe, ojeporúnte omopotĩ hag̃ua kuimba’e ha kuña rete, (Números 19).