Números 19:8

Ñanderuete Ñe’ẽ Porã 2015

Péicha avei pe kuimba’e ohapyva’ekue pe vaka, ojoheiva’erã ijao ha ojahuva’erã, ha naipotĩri ka’arupytũ meve.

Referencias Cruzadas

Levítico 11:25

Oimeraẽva ogueraháva he’õngue pehẽngue jepe, ojoheiva’erã ijao ha iky’ava’erã pyhare peve.

Levítico 16:28

Ha ohapy rire ha’e ojoheiva’erã ijaokuéra, ojahuva’erã avei ha upéi ikatu oike jevy pe tekohápe.

Levítico 17:15

Ha oimeraẽ Israelgua térã tetã ambueygua, ho’u ramo tymba omano reiva’ekue térã mymba ñarõ oñepehe’ãmbava’ekue, ojoheiva’erã ijaokuéra, ha ha’e ojahuva’erã, ha opyta iky’áva ramo kuarahy oike peve; uperire ae ipotĩ jevýta.

Números 19:21

Kóa peteĩ tembiapoukapy peẽme g̃uarã opaite árape; pe ohypyiva’ekue pe y oporomopotĩva ojoheiva’erã avei ijao; ha pe opokóva pe y oporomopotĩva rehe naipotĩri avei ka’arupytũ meve.

Números 19:7

Upéi pe pa’i ojoheiva’erã ijaokuéra ha ojahuva’erã, uperire ae oike jevyva’erã pende rekohápe; ha pe pa’i naipotĩri ka’arupytũ meve.

Números 19:9

Upéi peteĩ kuimba’e ipotĩva ombyatyva’erã pe vaka tanimbukue ha oguerahava’erã yvy pehẽngue ipotĩháme, mombyrymi pende rekohágui, Israel ñemoñarenguéra oiporu hag̃ua ojejapo ramo pe y oñemopotĩ hag̃ua; ojeporúva oipe’a hag̃ua kuimba’e ha kuña rembiapo vai pe kuave’ẽmby angaipa reheguáva rehe.