Números 19:7

Ñanderuete Ñe’ẽ Porã 2015

Upéi pe pa’i ojoheiva’erã ijaokuéra ha ojahuva’erã, uperire ae oike jevyva’erã pende rekohápe; ha pe pa’i naipotĩri ka’arupytũ meve.

Referencias Cruzadas

Levítico 11:24

Oimeraẽva opokóva ko’ã mymba’i re’õngue rehe iky’ava’erã pyhare peve.

Levítico 11:25

Oimeraẽva ogueraháva he’õngue pehẽngue jepe, ojoheiva’erã ijao ha iky’ava’erã pyhare peve.

Levítico 11:27

Ha opaite ambue mymba oikóva ipy irundy rehe, perekova’erã mba’e iky’áva ramo, ha oimeraẽ ojáva guive he’õngue rehe iky’ava’erã pyhare peve.

Levítico 11:28

Ha pe ogueraháva he’õngue, ojoheiva’erã ijao ha ha’e iky’ava’erã pyhare peve; ha peguerekova’erã ichupe iky’áva ramo.

Levítico 11:31

Ko’ãva peguerekóta iky’áva ramo mymbakuéra apytégui, ha oimeraẽva opokóva he’õngue rehe iky’ava’erã pyhare peve.

Levítico 11:32

Ha oimeraẽ mba’e ho’áva he’õngue ári iky’ava’erã pyhare peve, taha’e mba’e yvyraguiguáva, ao, tymba pirekue, vosa térã oime haichagua tembiporu oñemba’apoha, oñemoingeva’erã ýpe ha iky’ava’erã pyhare peve, uperire ipotĩ jevýta.

Levítico 11:39

Ha oimeraẽ mymba peguerekóva pe’u hag̃ua, omano ramo, upe opokóva he’õngue rehe iky’ava’erã pyhare peve.

Levítico 11:40

Ha pe ho’úva mymba re’õnguégui, ojoheiva’erã ijao ha iky’ava’erã pyhare peve; upéicha avei upe oguenohẽva mymba re’õngue, ojoheiva’erã ijao ha iky’ava’erã pyhare peve.

Levítico 14:46

Ha oimeraẽ oikéva guive pe ógape upe pa’i ombotyuka rire, iky’áta pyhare peve.

Levítico 15:5

Oimeraẽ opokóva hupa rehe ojohéiva’erã ijao, ha ojahuva’erã avei, ha naipotĩri kuarahy oike peve.

Levítico 22:6

upe kuimba’e upéva opyta iky’áva ramo avei kuarahy oike peve, ha ndo’uiva’erã umi mba’e oñemboykemava’ekuégui pende Ruetépe g̃uarã ojahu peve.

Números 19:10

Ha pe kuimba’e ombyatyva’ekue pe vaka tanimbukue ojoheiva’erã ijaokuéra, ha naipotĩri ka’aru pytũ meve, kóva peteĩ tembiapoukapy Israel ñemoñarenguérape g̃uarã opaite árape g̃uarã, ha tetã ambueyguápe g̃uarã avei.

Números 19:19

Ha pe ipotĩva ohypýita pe ipotĩ’ỹvape pe ára mbohapy ha 7-hápe, upéi ha’e ojoheiva’erã ijao, ha ojahuva’erã, ha ipotĩ jevýta ka’arupytũ rire.

Números 19:21

Kóa peteĩ tembiapoukapy peẽme g̃uarã opaite árape; pe ohypyiva’ekue pe y oporomopotĩva ojoheiva’erã avei ijao; ha pe opokóva pe y oporomopotĩva rehe naipotĩri avei ka’arupytũ meve.

Números 19:22

Ha peteĩ ipotĩ’ỹva opoko ramo peteĩ mba’e rehe, pe mba’e péva naipotĩri avei; ha peteĩ tapicha ipotĩva opoko ramo hapicha ipotĩ’ỹva rehe ha’e oñemongy’a avei.

Números 19:8

Péicha avei pe kuimba’e ohapyva’ekue pe vaka, ojoheiva’erã ijao ha ojahuva’erã, ha naipotĩri ka’arupytũ meve.

hebreoyguakuerape 13:11

Umi tymba ruguykue Israel pa’iguasu oguerahava’ekue Ñanderuete rogaguasu kotyguasúpe, oipe’a hag̃ua Israelguakuéra ha ipa’iguasu angaipa; umi tymba retekue katu ojehapy Israel rekoha oka gotýo.