Números 18:6

Ñanderuete Ñe’ẽ Porã 2015

Peikuaa porãke, Che voi aiporavo pene pehẽngue Leviguakuérape Israel ñemoñarenguéra apytégui, ha ame’ẽma ichupekuéra peẽme pende Ruete me’ẽmby ramo, oiko hag̃ua hikuái pende poguýpe ha ojapo hag̃ua hikuái pe tembiapo pe óga jojohuhápe pende Ruetépe g̃uarã.

Referencias Cruzadas

Genesis 6:17

Ha eikuaa porãke Che amboutaha amaguasu yvy apére, ajukapa hag̃ua ko ára guýpe mayma to’o ipytuhẽva guive; opaite tekove oĩva guive yvy apére omanombava’erã.

Genesis 9:9

Péina ápe, Che añemoĩ peteĩ ñe’ẽme penendive ha pene ñemoñarenguéra ndive;

Éxodo 14:17

Ha peikuaa porãke, Che amohatãtaha Egiptoyguakuéra py’apy oho hag̃ua pende rapykuéri; ha Che añembotuicháta faraon ha mayma isoldádo aty rupi, icarrokuéra ha ikavaju ariguakuéra rupi.

Éxodo 31:6

Ha eikuaa porãke Che amoĩ ipytyvõhára ramo Aholiab, Ahisamac ra’y, Dan tríbugui. Che amoarandu ichupekuéra ojapo porã hag̃ua opaite mba’e ha’eva’ekue guive ndéve:

Isaías 48:15

Che amombe’upáma ko’ã mba’e ko’ãva, Che ahenóima ichupe ha aguerúta avei ichupe, hembipota osẽ porãmba hag̃ua.

Isaías 51:12

Che, Che voi ningo, pomoangapyhýva. Mba’érehepa rekyhyje yvyarigua omanótavagui, iñemoñarẽnguéra ojogua umi kapi’ípe.

Ezequiel 34:11

Upévare péicha he’i pende Ruete: Peikuaa porãke, Che voi aháta aheka che ovechakuérape ha añangarekóta hesekuéra.

Ezequiel 34:20

upévare pende Ruete péicha he’i peẽme: Peikuaa porãke, Che ambojovakéta che ovecha ikyra ha ipirúvape.

Números 3:12

Eikuaa porãke, Che aiporavo Leviguakuérape Israel ñemoñarenguéra apytégui mayma ita’ýra ypykue rekovia; upévare Leviguakuéra che mba’e teéva.

Números 3:13

Che mba’égui voi mayma ta’ýra ypykue; Che ajukauka ramoguare mayma Egiptoygua ra’y ypykue, upe ára guive Che amboyke mayma Israelgua ra’y ypykue, kuimba’e ha tymbakuéra apytégui, che mba’etee ramo, Che ningo pende Ruete.

Números 3:45

Embyaty Israel ñemoñarenguéra ra’y ypykue rendaguépe ha hymbakuéra ypykuéra rendaguépe umi Leviguakuérape, ha’ekuéra che mba’e teégui, Che ningo pende Ruete.

Números 3:6

Embyaty Levi tríbu ha emoĩ pa’i Aaron poguýpe,

Números 3:9

Leviguakuéra opytáta Aaron ha ita’yrakuéra poguýpe; Israel ñemoñarenguéra apytégui Levigua kuéra oipytyvõva’erã Aaron ha ita’yrakuérape opaite hembiapópe.