Números 18:5

Ñanderuete Ñe’ẽ Porã 2015

Peẽ, Aaron ha ita’yrakuéra, pejapopáta pe óga jojohuha rembiapo ha peikuave’ẽta pe kuave’ẽmby renda ári, anivéma hag̃ua pende Ruete pochy ho’a jevy Israelguakuéra ári.

Referencias Cruzadas

1 Crónicas 23:24

Ko’ãva hína Levi ñemoñarenguéra, hogaguasukuéra rupi, mburuvichakuéra ojepapa haguéicha (cénso), upéicha ojehai peteĩteĩva herakuéra rupi 20 áño ombotýva guive yvatévo, ha’ekuéra omba’apo hag̃ua Ñanderuete rogaguasu rembiapópe.

1 Crónicas 23:32

Ha’ekuéra oipytyvõ avei oñangareko hag̃ua pe óga jojohuha renda rehe, opytáva ipehẽnguekuéra Aaron ra’ykuéra ha iñemoñarenguéra poguýpe, ha’ekuéra omoakãmbágui opaite Ñanderuete rogaguasu rembiapo.

1 Crónicas 24:5

Ha oimeraẽ pa’i atýpe oñeme’ẽ hembiaporã po’a jeporavo rupi; upéicha Eleazar ñemoñarenguéra apytégui térã Itamar ñemoñarenguéra apytégui ojeporavo pe pa’iguasúpe omoakãmba hag̃ua Ñanderuete rogaguasu rembiapo.

1 Crónicas 9:19

Salum, Core ra’y, kóva Ebiasaf ra’y, kóva Cora ra’y ha ityvyrakuéra umi Cora rogaguasu ndive, ha’ekuéra oñangareko pe óga jojohuha rokẽ rehe. Itúvakuéra oñangareko haguéicha Ñanderuete róga rokẽ rehe.

1 Crónicas 9:23

Upéicha ha’ekuéra, ita’yrakuéra ndive, oha’ãrõ oservi hag̃ua hi’arakuérape Ñanderuete róga rokẽ rerekua ramo ha pe óga jojohuha ñangarekohára ramo.

1 Crónicas 9:33

Oĩ avei umi opurahéiva, umi Levi rogaguasu ruvicha, ha’ekuéra oiko Ñanderuete róga kotykuérape, ha ndojapói ambue tembiapo, opurahéi hag̃uánte oĩ upépe ára ha pyharekuépe.

Éxodo 27:21

Aaron ha ita’yrakuéra omyendýta pe tataindyenda; ka’aru guive pyhareve peve pe tataindyenda omyendýta pe óga jojohuha kotyguasúpe, oñemboykéva pa’ikuérape g̃uarã. Péva ningo peteĩ tembiapoukapy Israel ñemoñarenguérape g̃uarã opaite árape.

Jeremías 23:15

Upévarehe, Che, Yvága Atykuéra Jára, ha’e umi proféta rehe: Peikuaa porãke, Che ha’ukáta ichupekuéra mba’ero, ha amboy’ukáta ichupekuéra pohã vai (ponzóña); umi proféta Jerusalen peguágui oñemosarambi voi pe teko ñañáme oñemyasãiva hetãpy rehe.

Ezequiel 44:15

Ha umi Levigua pa’i, Sadoc ñemoñaréva, hekoitépe ojapova’ekue che rogaguasu rembiapo ambue Israelguakuéra oñemboyke ramoguare chehegui, ha’ekuérante oñembojáta omba’apo hag̃ua che renondépe, ha che renondépe oĩta hikuái oikuave’ẽ hag̃ua chéve umi tymba kyrakue ha huguykue, he’i pende Ruete.

Ezequiel 44:16

Ha’ekuérante oikéta che rogaguasúpe, ha oñembojáta che mesa rehe omba’apo hag̃ua chéve g̃uarã; ha ojapova’erã che rembiapoukapykuéra.

Levítico 10:6

Upéramo Moises he’i Aaron ha ita’yrakuéra hembývape, Eleazar ha Itamárpe: Anítei peiko akã chara ha anítei pemondoro pende ao pehechauka hag̃ua peñembyasyha ỹrõ pemanóta avei, ha anítei ho’a Ñanderuete pochy Israel retã ári, pene pehẽnguekuéra ári; mayma Israel rogaygua katu oñembyasy joa Ñanderuete ohapy haguére ichupekuéra.

Levítico 24:3

Aaron tomyendy pe tataindyenda oĩva pe kotyguasu peteĩháme, pe óga jojohuha kotyguasu mokõiha renondépe oñemboykéva pende Ruetépe ha pa’iguasúpe g̃uarã; péva ningo tembiapoukapy opaite árape pene ñemoñarenguérape g̃uarã.

Zacarías 10:3

Che pochy herekuakuéra ndive, ahaviráta imburuvichakuérape, upévare ángel atykuéra Jára voi oñangareko jevýta hetã rehe, ha hetãgui oikóta peteĩ kavaju ñorãirõ megua iporãitévaicha.

Números 1:50

Leviguakuéra toñangareko pe óga jojohuháre ha opaite hembiporukuéra rehe, oĩva guive ipype, ha’ekuéra oguerahava’erã pe óga jojohuha ha opaite hembiporukuéra, ha’ekuéra ojapova’erã hembiapo ipype ha omopu’ãva’erã hóga pirekueguiguakuéra pe óga jojohuha jerekuévo.

Números 1:53

Leviguakuéra oikova’erã pe óga jojohuha jerekuévo, ani hag̃ua pende Ruete pochy ho’a Israel ñemoñare nguéra aty ári; ha Leviguakuéra opytáta oñangareko hag̃ua pe óga jojohuha rehe.

Números 16:46

Ha Moises he’i Aarónpe; Ejapyhy mba’e myatatĩha, ha emoĩ ipype tata pe kuave’ẽmby rendágui ha emoĩ hi’ári mba’e ryakuã porãva ha pya’e tereho pe aty oĩha gotýo remoĩ porã jevy hag̃ua ichupekuéra, Ñanderuete oñepyrũmagui ohavira ha pe ñemanoguasu ohupitýma ichupekuéra.

Números 18:4

Ha’ekuéra oñembyatýta penendive pe óga jojohuhápe omba’apo ha oñangareko hag̃ua pe óga jojohuha rehe ani hag̃ua peteĩ ndaha’éiva Levigua térã pa’i oñemboja pe óga jojohuha rehe.

Números 4:18

Aníke pehejátei oñehundi Coat ñemoñarenguéra Levi tríbu apytégui.

Números 8:19

Ha Che amoĩma umi Leviguápe Aaron ha ita’yrakuéra poguýpe omba’apo hag̃ua Israel ñemoñarenguéra rendaguépe pe óga jojohuhápe, ha’ekuéra omoingo porã jevy hag̃ua Israel ñemoñarenguéra pende Ruete ndive, ani hag̃ua ou mba’asy vai Israel ñemoñarenguérape, ha’ekuéra oñemboja ramo pe óga jojohuha rehe.

Números 8:2

Eñe’ẽ Aarónpe ha ere ichupe omyendy hag̃ua pe tataindyenda, oguerekóva 7 tataindy, ohesape hag̃ua henonderãme.

1 Timotéope 1:18

Ko ñe’ẽ kóva che aipota nde, che ra’y, Timotéo rehechakuaa porã ha emyasãi avei ambuekuérape, ojejapouka haguéicha ndéve profecía rupi, upévare eñeha’ãmba nde reñorãirõ hag̃ua pe ñorãirõ porãme,

1 Timotéope 3:15

Hesu Crísto iglésia añeteguáva ojehechauka ijiglesiaygua heko porã rupi. Hesu Crísto iglésia ningo Ñanderuete oikovéva róga voi, ha Hesu Crísto iglésiape ojejohuva’erã pe añetegua, ha péva ári ningo oñemopu’ãva’erã pe iglésia ha pe añetegua péva rehe ojejokova’erã.

1 Timotéope 5:21

Ajerure asy ndéve Ñanderuete, Hesu Crísto ha umi yvága rembiguái poravopyre renondépe rejapo hag̃ua ko’ã mba’e hekópe, reñemboyke’ỹre térã rehayhuve’ỹre avavépe.

1 Timotéope 6:20

Nde, Timotéo, ejapóke che ha’éva guive ndéve, ejei umi ñemongeta vai reívagui ha pe kuaapy arandu gua’u reígui.